Covalima- Ministério Agrikultura Pecuária Pescas no Floresta (MAPPF), Ho Membru Parlamento Nasionál Komisaun D, ne’ebé tarata Asuntu Dezenvolvimentu e Ekonomia hamutuk ho Prezidente Autoridade Munisipál Covalima kolleta hare Hamutuk 180 ektare ba epoka dahuluk nian ne’ebé utiliza adubus Organiku Poc Nassa Super Nassa no Harmonik. Atividade kolleta ne’e realiza iha loron Sexta (23/08/24) iha Suku Suai Loro Posto Administrativo Suai Villa.
Iha entrevista Ministro MAPPF Marcos “Mameta” da Cruz esplika, Ohin (Rad) Sexta, ita hamutuk ho Deputadu no Agrikultór sira kolleta hare ne’ebé mak agrikultór sira kuda ona, kolleta ne’e mós atu ita bele haree diretamente rezultadu husi Agrikultór sira. “Iha biban ne’e hakarak atu rona mos sira nia preokupasaun durante sira servisu difikuldade saida maka sira hasoru, atu aumenta produsaun presiza fatór barak hanesan Irigasaun trator no mos konñesementu Tekniku, ba oin oinsa mak atu hala’o servisu sira ne’e liu-liu servisu ba iha natar. Iha Munisipio Covalima iha area potensial ba natar mais ou menus 5mill resin, maibe ita foin halo de’it 2mill resin. Husi irigasaun Oebaba to’o iha mota Tafara, area natar ne’ebe maka agora ita kolleta hetan be’e husi mota Tafara.” Tenik Ministro MAPPF
Ministro informa, apresia Agrikultór sira-nia servisu, tanba servisu agrikultura ne’e husi Ministro to’o iha Agrikultór tenki ekipa ida mak ita bele produz produsaun, ita balu halo polítiku oinsa mak iha programa diak oinsa mak iha fasilidade no Infraestrutura ne’ebé mak povu presiza hanesan Irrigasaun no ekipamentu sira hanesan tratór,husi parte Governu haree no fasilita maibé atu tama ba natar laran ne’e mak agrikultór sira. Ita mai iha ne’e la’os de’it atu kolleta maibé ita mai haree kedas ho matan katak produsaun ne’e iha, ne’eduni apresia sira-nia servisu no husu sira atu servisu badinas liu tan, ba sira ne’ebé mak natar seidauk funsiona ita husu atu sira bele halo, tanba iha Suai ne’e iha irrigasaun diak. Ita mos halo ona lansamentu ba ekipamentu sira laos de’it fila rai hanesan tratór maibe ita komesa introdus ona makina kuda hare no kolleta hare atu agrikultór sira bele utiliza.
Iha fatin hanesan PAM Covalima, Miguel Armada Cardoso Hakarak hato’o agradese ba Membro Governo no PN bele to’o iha Munisipio Covalima hodi hamutuk ho natar nain sira kolleta hare, liu husi prezensa membro Governo no mos Deputadu sira nian bele komunidade nune’e sira sente katak Estadu ne’e iha ba sira. Nu’udar Autoridade iha Munisipio Covalima hakarak sujere de’it katak sira nia komunidade iha Suku Suai loro hamutuk 4 mill ne’ebé mak moris ho vida agrikultura, entaun nia sujere de’it atu hadia irrigasaun iha Tafara, tanba be’e ne;e mak tama iha area Suai loro nian tanba ne’e mak ami husu iha ekipa pezadu ruma hein iha ne’e hodi bele haree didiak be’e atu bele fornese ba natar sira, rai bokur ba ami duke ami hamlaha iha rai bokur nia leten diak liu produz produsaun ruma. Papél nu’udar Autoridade atu haree kestaun balu liu-liu identifika ona komunidade liu hosi suku ida idak ne’ebé mak joven sira ho idade 18 anos ba to’o 35 anos ne’ebé la iha servisu, maibe laos la iha servisu servisu iha maibé presiza revolusaun mentál hodi diriji no eduka sira liu husi estensionista sira.
Entretantu Secretario Comisaun D Deputado Saul Salvador H.J Amaral apresia tebes ho natar na’in sira ne’ebé mak halo natar hodi kolleta, iha area ida ne’e totál 180 ektare tanba ne’e mak hanesan Membru Parlamentu Comisaun D sempre apoiu Ministério oinsa mak bele apoiu agrikultór sira iha teritoriu Timor laran tomak.
Deputadu ne’e dehan, Preokupasaun lobuk ida ne’ebé mak Natar na’in sira iha liu-liu kona-ba irrigasaun. liga ba irrigasaun Ministro mós mensiona ka tau ona iha Planu, kuandu aprezenta iha PN ami sei apoiu hodi bele aprova 100% tanba polítika IX Governo nian tau prioridade ba Setór Produtivu, liu-liu Agrikultura. Agrikultura importante tebes, tanba ita hakarak Sustentabilidade Ekonomia ne’e ba Agrikultura mós hola parte hanesan setór produtivu. Ministério ho ninia Estensionista no Agrikultósira halo duni servisu hodi hasa’e produsaun,
Nune’e mós Agrikultór Feliz de Araújo hato’o nia senti kontente tebes ho prezensa Ministro no Deputadu sira nian, tanba ne’e mak harene’ebé tasak hotu ona atu besik maran ona mós ami seidauk bele koa tanba hein Membru guvernu no membru Parlamentu Nasionál hodi kolleta hare refere. Nia mós husu ba Governu liu-liu MAPPF atu apoiu nafatin tau matan ba irrigasaun atu sira bele hetan be’e no mós ekipamentu sira hanesan Tratór fila rai, makina koa hare nomós baku hare.DMEA
