Oecusse-(15/10/2024), Ministério Agrikultura, Pecuária, Pesca no Floresta komemora loron Feto Rurál ho tema” OINSA ATU PROMOVE FETO RURÁL IHA OECUSSE ” ne’e hanesan motiva feto sira iha oecusse atu bele hatudu sira -nia kreatividade iha área oin-oin hodi dezenvolve rai Oecusse tanba feto barak mak bele partisipa ona iha atividade oin-oin.
Secretaria Rejiaun Agricultura REAOA, Filomena Sila, iha komemorasaun loron feto iha resintu Agrikultura RAEOA esplika, atividade ne’e atu bele hafanun maluk feto sira iha área rurál atu bele promove kreatividade feto no bele mós partisipa iha serimónia hanesan seminar, workshop ka formasaun sira tanba mane ho feto iha diretiru hanesan ne’eduni feto barak mós agora lidera ona instituisaun barak hodi halo balansu ho mane sira atu lidera nasaun ida ne’e. Nia mós husu ba feto maluk sira atu bele partisipa ativu iha atividade oin-oin liu hosi atividade ajensia no ONG sira ne’ebé mak apoiu grupu feto maluk sira iha área rurál.
Iha fatin hanesan, Diretór Agricultura Rejiaun Oecusse, Amaro Efi iha nia entrevista, atividade iha komemorasaun loron fetó rurál ne’e reprejenta grupu feto haat husi sub rejiun haat mak partisipa hodi hatudu sira- nia kreativade liu husi diversifikasaun ai-han lokál hodi promove iha loron feto rurál nian. “ banhira atu involve grupu feto husi sub rejiaun ne’e koordena liu husi estensionista suku sira tanba sira mak besik liu agrikultór iha baze ne’eduni grupu ne’ebé mak partisipa iha ne’e mai ho nia produtu idak-idak nian tuir saida mak durante ne’e sira kuda no ohin loron sira promove ai-han lokál ba ai-han ne’ebé mak kualidade no nutritivu, komemorasaun loron feto rurál ne’e primeiravez iha Oecusse”.
Diretór hatutan, partisipasaun feto iha RAEOA ne’e iha balansu tanba iha Rejiaun Agrikultura nian ne’e lidera iha mane tolu no feto tolu katak feto mós bele ona lidera instituisaun sira atu bele dezenlvove Oecusse bao in.
Nune’e mós partispante Anita Salsinha Reprezenta feto husi MAPPF no Natalai Falo husi grupu Pante Makasar ne’e apresia ba feto maluk sira iha Oecusse tanba sira kreatividade oin-oin hodi prosesa ai-han lokál sir a ba ai-han ne’ebé mak modernu tebes hodi bele konsumu.
Komemorasaun loron feto rural ne’e mós iha kompetisaun kulinaria ba diversifikasaun ai-han lokál ba hahan ne’ebé mak kualidade no nutritivu husi grupu feto haat ne’ebé mak reprejenta sub rejiaun haat iha Oecusse no Orsamentu ba apoiu komemorasaun ne’e husi Ministério Agrikultura Nasionál..(EKIPA DMEA)
