Manatuto, (19/12/2024), Ministério Agricultura Pecuária Pesca no Floresta liu husi Diresaun Nasionál Agrikulcuttura e Produsaun Plantas distirbui tratór boot 3, trator kiik (hand tractor) 30, makina baku hare 4, makina behu batar 4 inklui hands spray 20 ba grupu agrikultór sira liu husi Diresaun Servisu Agricultura Municipal ba Prezidenti Autoridade Municipal Manatuto, ho objetivu atu moderniza sistema agrikultura nomós apoiu servisu agrikultór sira iha baze efetivu liu no hasa’e produsaun iha nivél suku to’o munisípiu. Serimonia distribuisaun ne’e realiza iha resintu DSAM Manatuto Vila.
Ministru Agrikultura Pekuária Peska no Floresta, Marcos “MAMETA” Da Cruz iha nia entrevista katak, liu husi fahe ekipamentu agrikultura ne’e ho objetivu atu hasa’e no aumenta produsaun iha setór agrikultura maibé atu produz presiza buat barak ida mak tratór atu bele moderniza Sistema agrikultura ho intrudsaun Sistema mekanizasaun liu husi Prátika Agrikultura Diak (PAD) tanba ne’e Ministério ohin entrega tartór boot, ki’ik, makina baku hare, makina behu batar, ekiapmentu uza hodi rega laos de’it ekipamentu maibé mós fini hanesan hare no batar ba komunidade sira inklui hadia irrigasaun. “ distribui tia ekipamentus hirak ne’e Ministério liu husi nia Estensionsita suku sira sei kapasita no fo formasaun ba grupu sira kona-ba Prátika Agrikultura Diak (PAD) katak oinsá mak bele kuda hare liña tanba atu hasa’e produsaun presiza ekipamentu ruma ne’eduni banhira agrikult’or sira servisu iha natar ka toos bele reduz oras servisu nomós reduz servisu ne’ebé todan tanba kuandu agrikultór sira uza de’it ekipamentu tradisionál (ai-suak, Enxada, katana, nss) ne’e presiza tebes enerjia no tempu atu bele halo ne’eduni ho objetivu ida ne’e mak Ministério distribui ekipamentu ne’e ba grupu sira”
Ministru husu ba grupu sira katak ekipamentu hirak ne’e governu distibui liu husi Ministério Agrícultura ba grupu sira ne’eduni grupu sira tenki bandinas servisu no tuir tékniku ne’ebé mak estensionista sira hanorin kona-ba PAD no kuida ekipamentu sira ne’e atu bele uza iha tempu naruk tanba ekipamentu ne’ebé mak fahe ba grupu ne’e bazeia ba kríteria Ministério nian katak grupu sira tenki iha natar ne’ebé luan ka boot, tenki nia rai rasik ka natar rasik no inklui ba grupu sira ne’ebé mak badinas, Ministério lakoi atu fahe ka distibui tratór ba grupu ne’ebé mak baruk ten katak nia iha rai maibé simu tiha ekipamentu ne’e la utiliza ho diak.
Iha fatin hanesan, Preziedenti Autoridade Munisípiu Manatuto Luis Inacio H. Fernandes esplika, akipamentu ne’ebé mak ohin Ministério Agrícultura Pecuária no Floresta entrega mai iha Munisípiu Manatuto liu husi Diresaun Servisu Agricultura Municipal nian ne’e sei entrega ba grupu agrikultór sira maibé presija atu haree no verifika antes entrega ba grupu sira ne’e tanba grupu sira ne’e tenki tuir kriteria Ministério nian nune’e bao in bele apoiu duni servisu grupu sira nian hodi hasa’e produsaun rai-laran liu-liu iha Manatuto ne’e rasik.
PAM hatutan, Ekipamentu hirak ne’ebé mak ministério entrega ne’e bazeia ba proposta grupu sira -nian maibé ba tratór boot tolu ne’e la fahe ba grupu, tratór boot 2 sei rai iha Diresaun Servisu Agricultura Manatuto nian atu bele responde ba programa fila rai gratuita kada tinan ne’ebé mak komunidade sira husu atu fila sira-nia rai no tratór boot ida sei konsentra iha sentru hakiak karau susuben nian maibé ba tratór kiik unidade 30 ne’e sei fahe tuir grupu ne’eduni grupu sira ne’ebé mak hetan ona sei la simu tan maibé ba grupu sira ne’ebé se’idauk hetan mak sei simu.
Entertantu Xefe grupu Number iha suku Sau Manatuto Vila, Jacinto Soares, senti kontenti tanba behe simu ka hetan apoiu trator no ekipamentu seluk husi Ministériu hodi apoiu no ajuda sira banhira halo servisu iha natar tanba durante ne’e hala’I natar tradisionál (uza karai mak halai) ne’eduni sira kria grupu ida no hatama proposta ba Diresaun Servisu Agrikultura Municipal Manatuto hodi bele hetan ekipamentu hirak ne’e.
Partisipa iha serímonia entrega ekipamentu ne’e, Secretário Estadu Floresta, Comandante PNTL Manatuto, autoride lokál husi suku, diretór geral Agricultura Café plantas e Industri, Diretór nasionál no xefia sira inklui grupu agrikultór sira. Ekipa DMEA
