Dili-21/01/25, Ministério Agrikultura Pecuária Pesca no Floresta (MAPPF) liu husi Diresaun Nasionál Estensaun Formasaun Agrikola (DNEFA) aprezenta Manual Estensaun Agrikola Timor leste (MEA-TL) ba  Ministro MAPPF atu bele haree direta Manuel ne’e rasik  nune’e bele halo revizaun ba parte balun  tanba Manual ne’e sei sai mata dalan ba implementasaun programa agrikultura iha baze. Atividade ne’e realiza iha Salaun MAPPF Comoro.

Ministro MAPPF Marcos “Mameta” da Cruz espika, aprezentasaun Manual Estensaun Agricola ne’e mós ita haree hamutuk katak iha balun sei presiza hadia ka halo revizaun, no iha parte balun mós ajuda dadaun servisu estensaun nian iha kampu. “ ohin Partisipa iha enkontru ne’e mai husi Diretór Nasionál nomós Diretór Servisu Agrikultura munisípiu sira hotu akompaña, ne’e duni ho manual ida ne’e sei hadia nune’e bele kobre setór sira hotu, tanba atu dezenvolve estensaun ida polyvalent, la’os atu kobre de’it ba Agrikultura maibé kobre mós ba Pekuaria Peskas no Floresta. Estensaun ne’e katak ita presiza informa no sosializa hodi koalia kona-ba saída mak ita atu halo iha setór sira ne’e”.

Iha fatin hanesan Diretór nasionál Extensaun no Formasaun Agrikola, Hipolito da Costa aprezenta Manuel Extensaun refere katak, manuel ne’e hahú hakerek iha tinan 2002 ate a data ne’eduni liu husi aprezentasaun ne’e atu bele haree hamutuk hodi bele hadia parte balun tanba Manual ne’e hanesan matadalan no sei quia extensionista sira iha Munisípiu sira nomós quia ba ajensia ka parseiru sira ne’eb’e mak atu implementa atividade agrikultura iha baze, manuel ne’e inportate ba polítika Ministério Agricultura nian.

 Sorumutu ne’e ofisialmente loke husi Ministro MAPPF, marka mós prezensa husi Secretariu Estadu Pescas (SEP) Domingos da Conceição ”Macaro”, no mós Diretór Servisu Agrikultura Munisipio sira. Ekipa DMEA