Manatuto, 19/12/2024, Secretario Estadu Flolesta liu husi projetu Asian Forest Cooperation Organization AFoCO kuda ai -oan totál....hodi halo rai molik sira matak fila fali tanba ai ho be iha ligasaun ne’ebé mak inportante tebes no fatin refere sei sai fatin turizmu komunitaria iha future, Fundus husi programa kuda ai ne’e rasik husi AFoCO. Serimonia lansamentu kuda ia ne’e hala’o iha BALAK Postu administrative Manatuto Vila.
Vice Primeiru Ministru Segundu assuntu Dezenvolvimentu Rurál, Mariano Assanami Sabino iha nia diskuru katak, tinan 2025 Timor-leste adere ona ba ASEAN ne’eduni iha ASEAN ne’e mós iha prakondisasaun ida ne’ebé mak inportante tanba ne’e kuandu halo kontrusaun mak 40 % ba konstrusaun no 60 % ba plantasaun maibé kuandu Timor iha konstrusaun no fatin balun mak iha planatsaun entaun Timor mós tenki iha plantasaun atu bele halo komparasaun nune’e bele halo kompensasaun ba fatin balun ne’ebé mak Timor labele halo ne’eduni esforsu ida ne’e inportante tebes. “Kuda ai ne’e parte integradu ida husi ita atu Restaura Indepensia tanba iha luta ai-laran barak mak mós hetan estragus tanba ne’e imi sira ne’ebé mak kuda ai ne’e laos de’it funsionário babain maibé ida ne’e hanesan funsaun ekstra ida atu bele rekopera fila-fali ita-nian rai ne’e, uníku Floresta mak fo anin nomós bele kapta be tanba governu mós iha programa ida kuda be neduni husu ba Ministru Agrikultura katak Tratór no eskavatór balun ne’ebé maki ha presiza utiliza nune’e bele utíl atu halo programa kuda be refere tanba iha tempu udan be husi rai tetuk no foho lolon sulin ba hotu tasi ne’eduni husu ba ita boot sira atu bele hanoin katak tenki halo programa kuda be ne’eduni iha tempu tuir mai bele utiliza fila- fali. Tenik PM
Iha fatin hanesan, Secretário Estadu Floresta, Fernandinho Vieira da Costa akresenta katak, área Balak Manatuto ne’e laiha ema ida mk atu fiar katak kuda ai -oan ne’e bele moris maibé realidade katak iha fulan neen liu ba Secretário Estadu Floresta liu husi projeitu AFoCO kuda ai-oan ne’e dadaun iha área ne’e hahu matak tanba atu halo rai Manatuto sai matak fila ne’e iha problema haat mak hanesan, Lutu, Be, Hahan inklui Ai ne rasik kuandu ida ne’e mak ema hotu konsege halo mak Manatuto tomak no fatin seluk sei matak iha fututu.
Nia realsa, Totál área ne’ebé mak atu kuda ai-oan ne’e hamutuk 130 ektare no atividade kuda ai ne’e hala’o ona dala rua ne’eduni Iha tinan ida ne’e área ne’ebé mak atu kuda iha 55 ektare no ai oan iha 61,105 espesie ai-oan no maioria ai ne’ebé mak atu kuda hanesan ai-kafé, ai-kakeu, ai-kameli, ai-kasi maibé ai ne’ebé mak bele adapta iklima manutuo mak ai-kakeu ho ai-kameli de’it no ai seluk ne’e konsege kuda maibé lalebe moris tanba iklima.
Timor -leste mós sai membru ba projetu Asian Forest Cooperation Organization ne’ebé mak nia edifísiu iha nasaun Korea do Sul I no iha membru besik 20 ona. Iha tinan 2026 projetu ne’e remana no programa ne’e sei entrega responsabilidade tomak ba governu Timor-leste atu jere program refere, maibé polítika governu ida ne’e liu husi Secretario Estadu Floresta mós sei promove nafatin programa reflorestasaun no agro Florestal ne’ebé mak inportante tebes ne’eduni Ministério Agrikultura mós sei servisu hamutuk ho Ministério Dezenvolvimentu rurál e Habilitasaun Comunitária ne’ebé diretamente servisu iha área rurál bele introduz atividade sira hanesan kuda ai hirak ne’e.
Entretantu Prezidenti Autoridade Municipál Manatuto, Luis Inacio Henrique Fernandes hateten katak,PAM agradese tebes programa secretáriu estadu floresta nian tanba fatin Balak ne’e hahu matak tanba fatin ne’e la serve ai atu moris maibé Ministério liu husi Secretario Estadu halo rai matak fila-fali ne’eduni espera katak ba oin sei apoiu mós fatin seluk atu bele kuda ai barak tanba autoridade lokál sira apoiu tomak programa kuda ai ne’e atu bele konversa fila fali rai ida ne’e.
PAM mós husu ba ministru agrikultura atu bele kontinua kuda ai-oan iha parte obratu nian tanba rai hahu molik ba dadaun ona ne’ebé presiza tebes atu kuda fali ai-horis, iha tempu bailoron bombeirus Manatuto sei fo apoiu tomak iha parte be nian atu bele rega ai-horis hirak nune’e bele moris no iha futuru sai fatin ne’ebé mak furak.
Partisipa iha serimonia lansamentu kuda ai ne’e, Komandante PNTL Manatuto, Diretór gerál Floresta, diretór nasional no xefe departamentu sira, guarda Floresta no komunidade sira. Ekipa DMEA
