Dili, 28 Outobru 2024, Iha serimonia asina kontratu ho kompañia Internasionál hodi konstrui irrigasaun Maliana II, tanba Ministru Agrikultura Pekuaria Peska no Floresta rekuñese Timor Leste sei depende maka’as ba fós importasaun tanba produsaun rai laran kontinua menus, Tanba ne’e liu husi asina kontratu ne’e atu prepara kondisaun hodi hadia irigasaun sira ne’ebé abandona nune’e bele ajuda agrikultór sira aumenta produsaun iha rai laran.
Iha serimonia asina kontartu ne’ebé mak hala’o iha resintu MAPPF, Ministru Marcos ”MAMETA” Da Cruz esplika, governu liu husi Ministério Agrikultura iha programa boot ida ne’ebé mak atu aumenta produsaun rai -laran ne’eduni Ministério selebra asina kontratu ho komañia Internasionál ne’e hodi konstrui irrigasaun iha maliana II atu nume’e komunidade sira iha Maliana bele hetan be hodi halo natar. “ ita-nia dezenvolvimentu setór agrikultura sei menuza tanba ita-seidauk bele atu kompete ho nasaun boot sira maib’e ita iha hanoin ida katak produsaun ne’e tenki ho kualidade tanba ne’e Ministério promove dezenvolvimentu agrikultura orgániku atu bele fornese ai-han ne’ebé mak kualidade ,nutritivu no sustentavél ba ema hotu”.
Ministru hatutan, konstrusaun eskema irrigasaun Maliana II ne’e sei kobre área 1,401 ektare iha Munisípiu bobonaro no kanál ida sei oferese be mós be ba nasaun viziñu Indonésia nian 300 ektare no prosesu konstrusaun ne’e sei hala’o durante tinan rua ho balun ho totál orsamentu hamutuk tokon sia resin, Rai no natar potensiál ne’ebé dadaun ne’e abandona barak husi agrikultór sira iha munisípiu Bobonaro/kauza husi infraestrutura bázika ne’ebé seidauk diak maibé ho konstrukasun irrigasaun maliana II rai no natar ne’ebé durante ne’e abandona agrikultura sira bele ativa fila-fali hodi hasa’e produsaun rai laran
Tuir relatoriu global hunger index iha tinan 2022 Timor-Leste iha númeru a’as ho 30.6% ba hamlaha no mal nutrisaun a’as ho relatoriu ne’e, Ministru hatete, seidauk iha sidadaun timor-oan ne’ebé mate tanba hamlaha.
Iha fatin hanesan, Diretór Kompañia Minarta Dutahutama, Usman lameko agradese ba Ministério tanba bele selebra serimónia asina kontratu ne’e inportante tebes tanba asina kontratu ne’e entre nasaun rua Timor-leste ho Indonesía nune’e ba konstrusaun ne’e sei la’o tuir kontratu ne’ebé mak iha tuir durasaun tempu inklui kualidade konstrusaun refere.
Serimónia asina kontratu ne’e partisipa mós husi Ministru MPIE, Sekretario Estadu Peskas, Konsultór PT. Caturbina Guna Persada ne’ebé joint ho PT.Multimera Harapan Indonésia, Diretór Gerál no nasionál inklui Inspetór Gerál MAPPF.
