Dili- 18/10/20 Membru Konsellu Nasionál Seguransa Aihan Timor Leste (KONSANTIL) ne’ebe kompstu husi linhas Ministeriais, Ajensia Nasional no Internasional sira selebra loron Aihan Mundial, tema ba selebrasaun ne’e mak ”Direitu ba aihan ba moris no futuru ne’ebe diak liu, labele husik ema ida husi kotuk. Selebrasaun ne’e iha hala’o iha Salaun Reuniaun Xanana Gusmão Ministério das Finansas Aitarak Laran.
Iha diskursu Vice PM e Ministro Coordenador Assunto Sociais Mariano Assanami Sabino hateten, komemorasaun ida ne’e ita halo iha mundo kada tinan, ho objetivu atu destaka sensibilizasaun iha nivel Global rejional no Nasional atu hakotu hamalaha no garante katak individu sira hotu iha asesu ba aihan nutritivu.
Nia hatutan, objetivu seluk mak atu konsensializa ba dieta saudavel no promove asaun konkreta desnutrisaun no seguransa aihan.Tema ba selebrasaun loron aihan Mundial ba tinan ida ne’e nian mak “Aihan hanesan Direitu ba moris no futuru ne’ebe diak liu, labele husik ema ida iha kotuk, Timor Leste Opta tema asegura inklusivamente Timor oan nia direitu ba aihan nutritivu ba Timor leste ida n e’ebe mak prosperu.
Ita koalia konaba direitu Aihan no direitu humanu ne’ebe mak sai komprimisiu Global regional nasional tinan 2021, ONU realiza seminariu Sistema Aihan mundial hodi hare fali metas ne’ebe hodi koloka iha agenda ba tinan 2030, objetivu husi Dezenvolvimentu sustentavel ne’ebe mak infrenta dezafiu barak hanesan oinsa atu hakotu hamlaha hadia nutrisaun no promove produsaun agrikultura sustentavel.
Iha fatin hanesan Secretario Estadu Pescas Domingos dos Santos Macaro reprezenta Ministro MAPPF sublinha, Ohin (rad ) Sesta dia 18 de Outobro komemora loron ai han mundial, ita mos hanesan Ministério Tekniku hola parte mos iha KONSANTIL, atu hare loron ida ne’e importante no ita nia misaun proprio hanesan Ministério tekniku oinsa ita bele kontribui hodi redus inseguransa aihan ne’ebe mak akontese iha ita nia rai.
Iha levantamentu dadus husi IPC nian hatudu katak ita nia kiak iha rai laran 41.8 % ita nia stantin 26% ita inseguransa aihan, se ita hare kauza ida ne’e fundamentu duni oinsa Ministério Tekniku nia papel atu bele prepara estratejia atu bele fo resposta, laos ita halo redusaun imediata ita teritorio tomak maibe ho maneira ne’ebe mak estratejiku ita hasae produsaun hodi bele fo resposta ba problema inseguransa Aihan iha ita nia rai.
Nune’e mos Dir Ezekutivu KONSANTIL Comar Mendonça afirma, Selebrasaun loron aihan mundial ida ne’e ho objetivu atu kordena ho Ministeriu relevante ajensia Internasional parseiru Dezenvolvimentu ONG Internasional no mos Nasional ne’ebe mak servisu hamutuk hodi komemora loron Aihan Mundial tinan 2024.
Nia informa, ba komemorasaun loron aihan mundial ba tinan 2024 hala’o preparasaun no koordenasaun hodi hare ba rekursu hotu hotu hanesan rekursu Humanu no Rekursu Finanseiru atu oinsa fo susesu ba komemorasaun loron aihan Mundial ida ne’e.
“Hau hanesan Prezidente KO hau orgullu no relata katak orsamentu ba komemorasaun ida ne’e mai husi kontribuisaun Ministério Relevantes Ajensia Nasional no mos Internasionál no mos parseiru Dezenvolvimentu, durante preparasaun reprezentante husi entidade sira ne’e hato’o laran luak tuir sira nia disponibilidade finanseira atu kobre ITEM sira ne’ebe mak presiza atu garante transparansia kustu ne’ebe utilisa ba komemorasaun ida ne’e.”Ekipa-DMEA.
