Oecusse -(14/10) Ministério Agricultura Pecuária Pesca no Floresta liu husi Diresaun Nasionál Agricultura Produsaun Plantas entrega tratór boot marka Kubota 2 ho tratór liman marka Firman 25 ba autoridade RAEOA nune’e agrikultór sira atu bele hasa’e produsaun agrikola hodi hamenus inportasaun fos iha rai laran.Serímonia entrega tratór ne'e hala'o iha loron segunda (14/9) iha resitu Agrikultura Rejiaun Espesial OECUSSE.
Planu estratejíku dezenvolvimentu nasionál ne’e iha setór produtivu tolu mak inportante ne’ebé mak atu tane ekonómia nasaun nian mak Mina-Rai hanesan Rekursu Naturais, Turismu no Agríkultura, pekuaria peskas no foresta tanba dadaun ne’e ekonomia nasaun nian lidera husi rekursu mina rai ne’eduni nu’udar timor oan tenki esforsu hodi dezenvolve área produtivu sira atu bele apoiu ekonomia nasaun. Lia hirak ne’e hato’o husi Vice Primeiru Ministru, Mariano “ASANAMI” Sabino, iha serimonia entrega tratór iha REAOA foin lalais ne’e.
Vice primeiru Ministru mós husu ba Oecusse oan sira atu esforsu hodi halo denvolvimentu iha rai Oecusse tenki ba oin tanba ita hotu hakarak RAEOA sai hanesan odamatan ekonomia nasaun nian ba iha nasaun viziñu ida ne’e presiza Timor -nia servisu maka’as atu atinje objetivu hirak ne’e.
Iha serimonia entrega tratór ne’e Ministru MAPPF, Marcos “MAMETA “ da Cruz esplika, planu Ministério nian atu hasa’e produsaun hare kada ektare atinje 12 tonelada ne’eduni tenki esforsu hodi hasa’e produsaun hare ho tratór sira ne’ebé mak MAPPF apoiu ne’e maibé dezenvolve agrikultura uza adubu organiku tanba Timor rai ki’ik ne’eduni koalia kona-ba kuantidade sei labele atu kompete ho rai seluk maibé governu tenki asposta ba kualidade produtu tanba ne’e atu dezenvolve setór agrikultura organiku.
Ministru hatutan, husi parte Agrikultura mós tenki haree ba área sira seluk hanesan, pekuária, peskas no floresta tanba atu fó han labarik sira tenki ho ai-han ne’ebé mak kualidade katak hahan ne’e etu kompleta ho na’an ho ikan. Ministério entrega tratór atu apoiu dezenvolve área agrikultura no halo mós espansaun área kultivu nian hodi uza inovasaun agrikultura ne’ebé mak diak ka Prátika Agrikultura Diak (PAD). Ba oin Ministério mós sei introduz tan kuda no koa hare nian uza makina nune’e bele fasilita agrikultór sira hodi hala’o servisu ho di’ak.
Iha fatin hanesan, Presidenti Atoridade REAOA, Rogerio Tiago Lobato agradese ba Minist’erio Agrikultura tanba bele oferese tratór boot no ki’ik ba komunidade RAEOA ne’eduni husu ba komunidade ne’eb’e mak sei simu tratór ne’e atu bele kuidadu hanesan ita-nia rasik tanba tratór ne’e bele apoiu servisu iha kampu atu bele hasa’e produtividade maibé tratór antes halo operasaun tenki haree uluk kondisaun tratór nian nune’e bele uza ba tempu naruk.
Presiendenti REAOA mós espera katak ho apoiu tratór sira ne’e bele apoiu hodi hasa’e produaun haree iha Oecusse nune’e ba oin labele dependente de’it fos husi rai liur maibé bao in Oecusse mós bele produz ona hare barak atu bele Esporta fali ba nasaun seluk.
Partisipa iha serimonia ne'e, Secretário Etadu Floresta, Diretór Geral no Nasionál MAPPF no Oecusse, xefe departamentu, sub inspetór MAPPF , funsionário agricultura, komandante PNTL, F-FDTL, inklui mós agrikultór sira iha Oecusse. (Ekipa DMEA)
