Covalima, 24 Outubru 2024- Ministru Agrikultura Pekuária, Peska no Floresta, Marcos"MAMETA"da Cruz akompaña hosi Diretór Gerál Agricultura Irrigasaun Kafé Plantas no Indústria distribui mákina unidade 66 ba grupu benifisiariu iha Munisípiu Covalima atu hasa'e produsaun iha to'os ho natar.
Ministru esplika , Mákina unidade 66 ne'ebé entrega direta husi Ministério ba grupu benifgisariu sira ne’e iha Diresintu Diresaun Servisu Municipal Agricultura Covalima iha Aldea Tabaco-Lot, Suku Debos, Postu Suai Vila ne'e kategória ba unidades rua mak hanesan Mákina unidade 30 Sosa ho orsamenru jerál estadu 2024 nian no mákina unidade 36 Sosa husi osan Banku Mundiál liu husi Programa SAPIP. " Ha'u atu dehan Ita iha mákina 30 mak ita sosa ho osan estadu nian depois ita mós iha mákina 36 ne'ebé sosa ho osan Banku Mundiál ne'ebé ohin halo ona distribuisaun ba grupu benifisiariu sira no ba 30 ne’e PAM ho Diretór Municipal Agrikultura mak sei ha jestaun hodi halo identifikasaun ba grupu ne'ebé iha duni natar ho to'os mak sei fahe ba atu sira bele utiliza hodi halo servisu”.
Ministru hatutan, Ministériu iha komitmentu boot hakarak implementa programa agrikultura iha Baze liu husi fornesimentu mákina sira ne'e hodi hakbi'it Agrikultór sira atu hala'o sira nia servisu iha to'os ho natar, atu bele garante sustentablidade ba ai-han atu kontinua fornese nafatin ba komunidade sira,"
Ne'e duni Ministru husu ba grupu agrikultór 26 ne'ebé hetan ona ekipamentu mákina husi projetu SAPIP no ba grupu sira ne'ebé mak preparadu atu sai benefisiáriu liu husi jestaun PAM Covalima nian, bainhira hetan ona fasilidade tenke uza ho responsabilidade atu kondisaun mákina sira ne'e bele iha nafatin kondisaun di'ak. Ba grupu sira ne'ebé mak la iha responsabilidade ba ekipamentu sira ne'e, governu sei foti hikas fasilidade sira ne'e hodi entrega fali ba grupu seluk.
Iha fatin hanesan Prezidente Autoridade Munisípiu Covalima, Miguel Armada Cardoso agradese MAPPF tanba bele hetan ona apoiu ekipamentu materiál sira atu apoiu agrikultór sira hodi hala'o servisu iha to'os ho natar. "Ha'u sei halo akordu ida ho ita boot sira, banhira akrodu ne'e mak ita boot sira la kumpre ha'u sei foti hikas ekipamentu sira ne'e hodi fó fali ba grupu seluk no husu ba agrikultór sira ne'ebé simu ona ekipamentu ne’e atu labele halo moe nia tanba ekipamentu simu oona tenke iha resposabildade hodi hasa’e produsaun rai -laran, liu-liu iha Covalima atu labele dependete de’it bai ha fos inportasaun. Mákina sira ne'e nu'udar meius ne'ebé modernu no sei ajuda agrikultór sira hodi halo modernizasaun ba servisu agrikultura ne’ebé mak diak liu tan.
nune’e mos xefe grupu Hadomi Agrikultór, Mario Ferreira senti kontenti tanba bele hetan apoiu makina hanesan tratór liman rua, no mákina kuda hare rua hosi Ministério Agrikultura liu ho Projetu SAPIP ne’eduni grupu sira sei esforsu maka’as atu uza mákina sira ne'e ho responsabilidade atu hasa'e produsaun rai laran no nia mós husu ba Ministério atu hadia kanál irrigasaun Oebaba nian diak liu nune’e komunidade ne’ebé mak halo natar iha área refere bele hetan hotu be hodi halo natar.
Iha serimonia entrega ekipamentu ne'e hetan partisipasaun husi Prezidente Autoridade Covalima, Diretór Servisu Agrikultura Covalima, Diretór Jerál Agrikultura Irrigasaun Kafé Plantas no Indústria, Diretór Nasionál Ortikultura, Diretór, funsionáriu no grupu agrikultór sira.
