RAEOA 11 Novembru – SAPIP no Banku Mundial realiza kick off meeting iha RAEOA hodi update progresu implementasaun projetu SAPIP nian.
Director Geral Agrikultura, Kafe e Plantas Industria hanesan mos Director Projeitu SAPIP iha intervesaun hateten katak planu no programa prioridade alina ho prioridade governu nian liu liu atu hadi’a povu Agrikultor nia moris. Orsamentu ba Projecto ne hetan apoio husi Banku Mundial ho mintante 21 Miloens, hodi finansia atividade Ministerio da Agrikultura, Pecuaria, Pescas e Floresta iha area agrikultura, pekuaria, peskas no florestas iha tanba ne’e Ita hotu tenki servisu hamutuk atu bele implementa projetu ne’e ho diak.
“Projetu ne’e halo servisu iha setor barak hanesan; setór Floresta konaba Basia Hidrografika kuda ai oan, konaba Agrikultura iha mos agrobisnis fahe mos ai oan ne’ebe mak fo fuan, iha Oecusse iha balu ne’ebe mak simu has oan no sira kuda ona oras ne’e moris no bo’ot ba dadaun ita hein katak sira bele auguenta hodi bele fo benefisiu ba sira nia familia”.
Reprezentante Banku Mundial hanesan mos Agriculture Specialist Valens Mwumvaneza hateten, Banco Mundial financia projeitu SAPIP hodi implementa actividade Agricultura to’o agora tama ona ba tinan hitu. Actividade rutina nebe sempre halao maka kada fulan ne’en sempre halo vizita ba Grupu benefisiariu sira, hodi hare diretamente progresso implementasaun programa no hare mos dezafiu ruma nebe beneficiario hasoru.
Agricultor hodi nune’e ita bele fo fali informasaun diak ba iha MAPPF atu ita bele atinji ita nia objetivu ne’ebe mak diak iha Ministério ida ne’e.
“Fatin ne’ebe mak agora dadaun vizita agrikultór sira kuda hela ha’as, no Pitaya husi ne’e ita bele hare oinsa agrikultór sira bele atinji sira nia objetivu husi produtividade ne’ebe mak sira iha, grupu balu iha Parte Pecuaria mos simu ona fahi kik oan hodi bele hakiak objetivu sira ne’e hotu atu bele atinji metas ne’ebe mak ita iha.”
Husi encontro ne’e parte SAPIP PMU halo mos aprezentasaun progresu implementasaun atividade sira tuir komponente, iha rezultadu hatudu katak atividade barak mak konsege implementa, balun sei iha prosesu implementasaun no balun sei implementa iha tinan oin nebe kobre ba iha Municipio nebe Lautem, Ermera, Covalima, Ainaro, Bobonaro, Liquiça no RAEOA.
Depois inkontru remata, ekipa kontinua halo vizita ba grupu nia atividade ne’ebé durante ne’e financia husi Banku Mundial liu husi Projecto SAPIP, iha vizita ne’e grupu sira kontenti tanba parte SAPIP, Governo no Banku Mundial bele ba hare’e sira nia atividade no sira agradese tanba SAPIP no Banku mundial bele tulun grupu sira liu hosi suporta orsamentu. Ekipa SAPIP-DMEA
