Dili-21/10/2024, Ministério Agricultura Pecuária Pesca e Floresta liu husi Ajensía Dezenvolvimentu To’os Na’in ba Moris Di’ak (TOMAK) entrega ekipamentu agrikultura hanesan, hand tratór  marka kubota hamutuk 7, makina Mini Tiller 10, Choper  machine unidade 5, tanki be  hamutuk 5,frencing materials 5, shade net (arame lutu) 10, M aterialHydroponic 5,  Solar Panel water pump 3 no Water Harvest tarpaulin iha unidade 5 ekipamaentu hirak ne’e sei distribui ba sentru formasaun agrikola tolu  iha Munisípiu tolu  hanesan, Bobonaro, Viqueque no  Baucau  hodi apoiu sentru sira atu bele implementa inovasaun agrikultura orgániku ho objetivu atu hasa’e produsaun rai laran hodi asegura seguransa alimentar.

Ministru MAPPF, Marcos “ MAMETA” da Cruz iha entrevista  katak, Ministério Agricultura servisu hamutuk ho governu Australia liu hosi ajensia Tomak la’os foin primeirevez maibé ida ne’e ba dala-barak ona governu  Australia apoiu fini husi programa Fini ba Moris ba produsaun fini no programa Fini ba Moris ne’e remata tiha ona iha tinan hirak liu ba no dadaun ne’e programa ne’e muda naran ba  programa Tomak (To’os Na’in ba Moris Di’ak) hodi  apoiu buat barak hanesan ekipamentu ba agrikultór sira liu husi Ministério ho objetivu ida atu hasa’e produsaun agrikola hodi aseguran seguransa alimentar iha rai laran.

Ministru hatutan, ekipamentu hirak ne’e sei konsentra iha sentru formasaun agrikola iha Munisípiu sira atu bele denzolve adubu organiku mai husi materia orgániku nian hodi promove inovasaun agrikultura ka implementa Pratíka Agrikultura Di’ak (PAD)  sei sai ezemplu ba agrikultór sira atu bele ba aprende iha sentru agrikola sira nune’e bele implementa iha sira nia to’os no natar, “  programa tomak ne’e iha mos implementasaun hydroponic kuda modo ho be de’it ne’eduni ba sira ne’ebé mak laiha rai ka rai ne’ebé mak klo’ot bele uja Sistema ne’e hodi kuda modo atu bele konsumu. Minst’erio kontinua servisu hamutuk ho governu Australia liu TOMAK  atu bele dezenvolve área agrikultura nian iha Tmor-Leste.

Iha Fatin hanesan Vice Embaixadór Australia iha Timor-leste, Edwar Wilkinson iha nia diskursu katak,   Governu Australia orgullu hodi servisu hamutuk ho Ministério Agricultura Pecuária Pesca no Floresta  hodi hari’I sentru formasaun Agrikultura tanba ne’e  liu husi apoiu ne’e atu ajuda agrikultór  sira iha siatuasaun  mudansa klimatika ne’eduni  liu husi ekipamentu ne’e atu hadia kualidade no kuantidade ba produsaun agrikola.

Nune’e mós Projetu Manajer TOMAK Modestu Lopes hatete , atividade TOMAK nina ne’ebé mak durante ne’e hala’o iha Ossu Larigutu  parte Viqueque, Seiçal no Atabae ne’eduni ohin TOMAK entrega ekipamentu sira ne’e atu bele apoiu  atividade hirak ne’e hodi  reduz kustu servisu iha to’os ka natar laran  inklui hanorin agrikultór sira kona-ba inovasaun agrikultura nia ba agrikultór sira. “ benifisiariu ba programa TOMAK ne’e mai husi joven agrikultura, feto  nomós ba ema ho difisiensia sira, durante ne’e Programa promove agrikultura mak hanesan, hare mean, fore munggu, parte Ortikultura mak modo ho Lis, parte pekuaria mak hakiak fahi no manu, programa TOMAK ne’e uza Sistema fahe kustu atu nune’e agrikultór sira mós senti oinsa mak sai na’in ba atividade sira ne’e.

Serimónia entrega ekiapmentu ne’e hala’o iha resintu MAPPF no hetan  partisipasaun maximu husi Secretario Estadu Pescas, Diretór Gerál MAPPF,  Diretór nasionál no Munisípiu sira, xefe departamentu no funsionário balun.EKIPA DMEA