Bobonaro- Ministério Agrikultura Pecuaria Pescas e Floresta (MAPPF) liu husi Secretario Estadu Pescas (SEP) entrega Ró fibra de Vidro unidade 5 ho nia asesorias kompletu ba Preziedente Autoridade Munisipal Bobonaro atu bele destribui ba Peskador sira iha Suku Sanirin, atividade ne’e hala’o iha loron Quarta (10/07) iha Posto Administrativo Balibo.
Iha diskursu SEP Domingos dos Santos “Macaro” katak, Ró hirak ne’e sei responsavel tomak husi PAM, maske MAPPF la haree diretamente maibé PAM iha atu bele tau matan ba peskadór ne’ebé simu ona ekipamentu ne’e husi MAPPF husu atu utiliza ho didiak, labele uza hanesan illegal no tula fali sasan Ilegal sira ou tula fali turista sira pasiar iha Indonésia mai Timor, ne’e kuandu kaersei hetan sansaun ne’e mak seriu.
Ró ne’ebé entrega ba PAM sei iha kontinusaun, tinan Ministério mos kontinua sosa no prosesu aprovisionamentu ona atu bele destribui Ró refere ba Peskadór iha teritorio Timor laran tomak, tanba ne’e ohin loron imi hetan ona no ema barak mos seidauk hetan, tanba ne’e mak ba imi sira ne’ebé hetan ona utiliza ho didiak hodi hatudu ezemplu ne’ebé diak ba Peskadór sira seluk.
Iha fatin hanesan PAM Bobonaro Alex Pires hatutan, Peskadór sira ne’ebé simu ona Ró ne’e tenki kuidadu, tanba ema seluk presiza hela maibé la hetan, tanba ne’e husu ba peskadór sira uza halo didiak, tanba Munisípiu balu presiza liu maibé seidauk hetan, neduni ita hotu agradese ba MAPPF liu husi SEP ne’ebé mak entrega ona ró refere. Nia mós husu ba Peskadór sira atu utiliza sasan hirak ne’e halo didiak ba atu bele tuir duni Politíku MAPPF nian hodi bele eleva ekonomia famialia, ita mós iha fonteira nanis kedas ona ho Indonésia, Comandante UPF iha ne’e, tau matan mós ba peskadór sira atu labele utiliza sala, espera katak liu husi apoiu sira hanesan ne’e bele hamenus ona importasaun ikan husi rai liur.
Seremonia entrega sasan ne’e ofisialmente entrega husi SEP Domingos dos Santos Macaro bai ha PAM Bobonaro Rui Pires, akompaiña husi Reprezentante DG Pescas, DG Agrikultura Hortikultura hetan seguransa masimu husi Unidade Policia Fronteira (UPF) Batugade nian. Ekipa DMEA
