Viqueque-Ministerio Agrikultura Pekuaria Peskas no Floresta (MAPPF) liu husi Diresaun Nasionál Agrikultura e Hortikultura halo lansamentu kuda ai-oan frutikultura tanjerina/sabraka iha demo area 3 ektare iha Bibileo suku Bahalara-uain Postu Administrativu Viqueque Villa Munisípiu Viqueque ba Tinan 2024.
Iha entrevista Xefe Departementu Produsaun Horticola Fruticola e Biologica Suzana Constancio Vilanova esplika katak, atividade lansamentu kuda tanjerina iha munisípiu Viqueque iha bibileo antes rai atu kuda husi Diresaun Nasional Agrikultura e Hortikultura mai identifika fatin iha munisípiu Viqueque, Baucau, Covalima, Lautem, Manufahi, nomos Manatuto oinsa atu hasa’e produsaun iha área agrikultura frutikultura no hortikultura liu-liu ai-fuan modo, tanba ita haree ai-fuan mak menus tebes ho ida ne’e mak atu Ministério hakarak hasa’e aifuan 50% ba tinan 2028 planu ba Governu nian atu bele esforsu oinsa bele hasa’e produsaun liu husi maneira saida de’it, planu tinan oin bele implementa liu husi demo area rai 2 ektare atu bele haree nia rezultadu liu-liu iha munisípiu sira ne’ebé mak identifika tiha ona atu bele reduz uitoan ai-fuan importasaun sira, tanba modo ita haree importasaun laiha ne’e mak ema la hakilar, maibe ema hakilar kona-ba ai-fuan ho fos.
Nia hatutan, iha munisípiu Viqueque rasik idenfitika ona iha 1,200 pes no 800 pes iha larigutu, 400 pes iha bibileo mak ita halo lansamentu ona, maibe agrikultór sira la prontu kuda ne’eduni Diresaun Nasionál sei fahe fali ba munisípiu sira seluk ne’ebé hakarak atu kuda ai-oan tanjerina atu bele hasa’e produsaun hodi reduz importasaun ai-fuan ne’ebé mak mai husi rai liur.
Iha fatin hanesan Adminstradór Postu Administrativu Viqueque , Leopoldo da Costa Alves agradese ba MAPPF bele mai haree direita situasaun komunisdade sira nian iha munisípiu viqueque liu-liu kona-ba oinsa atu hakbiit no atu hasa’e produsaun liu-liu ba ai-fuan sira, ohin ita halo lansamentu simples ida maibe nia valor bo’ot sutentabilidade ba ai-horis ne’e rasik, tanba ita haree 3 ektares parte area bibileo maibe implementasaun iha suku uma kiik, ho atividade ida ne’e mak ba komunidade sira husi uma kiik hela iha suku bibileo sira halo pedidu no hetan konkordansia entre MAPPF ho grupu tarjeitu sira, tanba mak hot-hotu mai halo atividade lansa kuda ai-fuan ne’e.
"objetivu ida katak atu hasa’e produsaun ai-fuan 50% ne’e ita hahu husi ohin ne’e mak ita atu alerta ba komunidade sira hotu katak, ida ne’e sai exemplu ida, maibe komunidade sira la bele haree de’it ida atu abandona ne’e la bele, katak fo ona mai ita atu kuidadu no esekuta buat ne’ebé mak ita nia Governu sira fo ita katak ita la bele hein tane de’it liman maibe governu fo ona buat balun mai ita koko para atu bele implementa”
Nia salienta, , grupu mane mesak iha area bibileo suku uma kiik nian iha espirito bo’ot liu-liu iha área ortikultura ne’e rasik, tanba ita hare sira iha kintal ne’ebé mak bo’ot sira mos kuda daudaun produtu lubuk ida hanesan pateka, modo no seluk tan ne’e siknifika katak sira iha vontade rasik ona, oinsa mak ita governu enkoraja ita -nia agrikultor sira, tanba ne’e hanesan liman ain husi governu nasional katak, ita sei la dukur nafatin buka dalan atu tulun komunidade bele hasa’e rendimentu ekonomia liu husi kuda tanjerina ne’e.
Nune’e mós Agrikultór grupu mane mesak, Fransisco Prandão, sente kontente tebes tanba sira- nia proposta ne’ebe hato’o ba governu hodi fasilita sira hodi atividade kuda tanjerina ne’e rasik no ohin bele realiza atividade kuda tanjarina nune’e bao in bele fo fuan bao in bele faan hodi sustenta nesecidade familia, tanba iha Timor ne’e rai luan tebes maibe ita husik abandona hela, ho ida ne’e mak sira esforsu an atu halo to’os atu bele kuda ai-horis sira ne’ebe mak bele f o nia benefisiu diak ba sira nia moris. DMEA
