Dili- Coral Triangle Initiative (CTI) ne’ebé kompostu husi Nasaun neen (6) hanesan; Indonésia, Malasya, Papua Nova Guine, Filipina, Salomon Island nomós Timor- Leste realiza Seminar Oficial Meeting (SOM) ba dala-19. Kada tinan CTI realiza SOM atu bele prepara no haree ba riku-soin iha tasi laran, tinan ne’e Timor- Leste mak sai uma na’in ba SOM refere. Atividade ne’e realiza iha loron Kuarta (04/12/24) Iha Suai Room Timor Plaza.
Iha Entrevista Diretór Jerál Pescas Aquicultura e Gestão dos Recursus Aquaticos, Celestino da Cunha Barreto katak, Kontestu CTI ne’e koalia kona-ba ekosistema tasi ne’ebé mak Nasaun neen (6) ne’ebé iha potensia bo’ot ba ahu-ruin no ekosistema tasi ne’e importante tebes. Ahu-ruin sai hanesan uma ba balada sira iha tasi tantu haree katak lao’s de’it ba iha ikan, maibe mós ba non ikan lubuk ida iha tasi laran. “Hanesan ita hatene katak tasi kuandu mos sei dada mós Turista sira hodi afeta mós ba ita-nia ekonomiku ba komunidade no ba nasaun neen (6) ne’e. Ita koalia kona-ba Biodiversidade no Ahu-ruin, rekursu ne’ebé mak iha tasi labele hotu iha tempu badak maibé ba mós iha Jerasaun sira tuir ma, tanba ne’e mak akadémiku mós sai hanesan fontes ida ne’eée kontinuadór husi ita-nia rekursu ida ne’ebé mak sei mai no husi parseiru sira seluk”.
Eventu ida ne’e hanesan eventu Internasionál nomós oportunidade diak atu oinsa bele proteje no konserva ba ahu-ruin sira iha tasi laran. ne’e hanesan ita loke tan liras ba parseiru sira.
Depoizde remata Seminár refere iha mós asina akordu entre Universidade Nasionál Timor Lorosa’e (UNTL) ho CTI-CFF hodi haree kona-ba konservasaun riku-soin sira iha tasi laran. Tanba UNTL mós hanesan parte ida husi mariña, ne’e hanesan kontinuasaun oinsa mak bele hatutan ba jerasaun foun sira tuir mai, tanba ne’e mak papel husi Akademíku mós importante bele hatutan no proteje biodiversidade iha ita- nia rai.
Iha fatin hanesan Vice Reitor Ba Asuntu Pos Graduasaun no Peskiza, UNTL, Afonso de Almeida hatutan, akordu ne’e sei haree liu ba konserva rekursu naturais ne’ebé mak iha Timor-leste. Kooperasaun ne’e bazikamente fo ba UNTL hanesan oportunidade diak tebes tanba ho ida ne’e bele dezenvolve Sentru investigasaun sira atu bele kontribui iha peskiza sira ne’ebe mak ligadu ho area Ambiente no area Kosta Mariña, nune’e bele fo formasaun ba Estudante sira ne’ebé mak iha UNTL.
Nia informa, Akordu ne’e mós bele kontribui diretamente ba esforsu nasaun nian ne’ebé ita halo hela, liu-liu ligadu ho Konservasaun no jestaun ba rekursu mariña, la’os de’it ba Biodiversidade maibé mós ba bens estar komunidade sira nian, akordu ne’e atu bele servisu hamutuk ho sira emtermus de peskiza ne’ebé mak bele kontribui ba área rekursu naturais. Agora dadauk iha Fakuldade Agrikultura Departamentu Mariña sira mak halo servisu iha área ida ne’e, espera katak ho kooperasaun ida ne’e bele motiva liu tan estudante atu bele halo peskiza.
Eventu Senior Official meeting-19 realiza durante loron tolu hahu iha loron 4 ate 6 dezembru 2024 iha Timor-leste. (ekipa DMEA)
