Liquiça, (4/7/2024) Atu hasa’e produsaun ikan be midar, Ministério Agrikultura Pecuária Pesca e Floresta liu husi sekretariu Estadu Peskas husik ikan oan kuaze 6 mill ba kolan hakiak na’in sira iha área Liquiça nian, tanba obejtivu MAPPF la’os hasa’e de’it produsaun agrikultura maibé mos hasa’e produsaun iha parte peskas.
Iha entrevista Sekretariu Estado Peskas ,Domingos da Conceiçaão Mau-caro esplika, atividade husik ikan oan iha kolam ne’e parte husi Diresaun Peskas nian no grupu hakiak na’in sira husi area Liquiça tanba rai sira halo kolam husik ikan ne’e atribui ona ba Diresaun Peskas iha tinan 2012 no konstrusaun ba moru no kolam sira ne’e hahu iha tinan 2016 maibé sira abondona durante tinan barak neduni liu hui vizita sira ne’e mak identifika fatin ne’e pontensia tebes atu hakiak ikan. SEP hatutan” antes ne’e ekipa tékniku hosi diresaun jerál peskas mai organiza tiha ona ho gruou hakiak na’in sira hadia kolam ikan ne’e diak no iha serímonia husik ikan oan ne’e konvida mós Ministru mai halo lansamentu husik ikan oan sira ne’ebé mak iha ikan ne’ebé mak husik Ikan iha monosex iha 4 mill ne’ebé lori husi Gleno no 2 mill la’os monosex lori mai husi Instituisaun INPA maubara ba grupu rua ne’e hanesan pilotu ida depoizde ida ne’e kontinua hamos kolam sira ne’ebé mak la ativu ne’e hodi aumenta tan ikan oan sira atu nune’e Ministério destaka kedas tékniku sira mai hodi halo seguransa nune’e bele asegura no garantia katak to’o kolleta”.
SEP realsa tan katak, hahan ba ikan sira provisorimente ita sei importa husi rai liur, maibé dadaun ne’e MAPPF mós instala ona makina ba produz hahan ikan iha INPA Maubara oras ne’e lao hela ho nia nutrivo 95%. Planu ba oin sei istalla tan makina produz hahan ikan nian sentru sira nune’e bele hafasíl servisu no hafasil grupu sira hodi bele halo atividade hasa’e nia produsau ikan tinan ida ne’e.
Nune’e mos Bendito Maia nu’udar grupu kolam hatete, sira hakiak ikan ne’e iha membru na’in 10 maíbé problema mak makina produz hahan ikan nia hahan neduni sira husu ba guvernu atu haree problema refere tanba hakiakikan presiza fo hahan ne’ebé mak nutritivu. Ekipa DMEA
