Lautem, (13/6/2024) Secretario Estado Floresta (SEF) reprezenta Ministro Agricultura Pecuaria Pesca e Floresta  hamutuk ho Secretário Estado Dezenvolvimento Lokál ho prezidente autoridade Munisípiu Lautem, Xefe suku ho Diretór Nasionál Horticultura Agricultura Pecuaria Pescas e florestas ho nia tékniku sira kolleta hare variedade nakroman iha  total área mak sira 43 ektare,  iha suku Kota mutu Posto administrativu Luro Munisípiu Lautem

Secretario Estadu Floresta (SEF)  Fernandino Viera da Costa, iha nia entrevista katak, atu promove no dezenvolve área kultivu sira tanba  daudauk iha 37 mil ektare, área kultivu ne’ebé mak iha durante períodu  tinan 5 sei kompleta tan to’o 50 mil ektare ita espera apoiu husi parte  parte liuliu agrikultura ne’e importante tebe-tebes  atu bele atinje   metas ne’ebé planeia  ona durante tinan  mai tanba ne’e mak antes to’o tinan 5 tenki atinje 60% husi totál 50 mil ektare ne’ebé mak hanesan ita planu tiha ona. Nia hatutan, oinsá agrikultura sira atu dezenvolve natar presiza mós material ne’ebé mak  iha ministério agrikultura nafatin tau ba planu hodi bele prepara hanesan tratór  boot nomos  tratór liman, neduni iha tinan ida ne’e ita nafatin sosa tratór, tratór hamutuk 25 unidadee tratór ne’ebé mak iha depoiz ita sosa tan 400 unidade  tratór liman nunee ita bele fasilita povu agrikultór sira iha suku,postu no Munisípiu sira.

Nia hatutan, Ministério mós prepara fini kualidade ba  agrikultór alende fini ita mós tenki prepara mós ai-moruk hanesan popnasa hodi fahe ba sira nunee sira bele hasa’e produsaun agrikultura, maibé governu  nia orientasaun ba povu agrikultura sira ne’e tenki orienta orgániku hodi nune’e ita kompete iha merkadu tanba ita hakarak produsaun agríkola nee tenke orgániku nune’e bele kompete merkadu nian. “         Ha’u hanoin iha planu ministériu agrikultura nian mak  tratór liman 400 unidades sei halo alokasaun ba munisípiu ne’e depende ba área potensia ne’ebé mak iha, Ha’u hanoin munisípiu Lautem sei hetan por volta  400 nee hau hanoin barak entaun nia sei hetan por volta 10 ou 20 tratór. wainhira tratór entrega ba Munisípiu Lautem sei fahe ba iha povu agrikultór sira ne’ebé mak hanesan iha área rurál hanesan suku kota mutu no suku sira potensia ba iha natar.

Wainhira povu agrikultór sira iha produtu agrikultura,ministério agrikultura  nafatin iha komitmentu hodi fasilita povu agrikulutra sira nune’e sira bele lori produtu agrikultura ida ne’e ba iha merkadu tanba ita lakohi atu komunidade sira dependente ba ai-han, ai-horis sira ne’ebé mak  husi rai liur maibé aproveita oportunidade ida ne’e hakarak hato’o ba média tomak katak durante períodu ita ukun-aan até agora fini hare ne’ebé mak hanesan  ita kolleta ne’e dadauk ne’e ita produz iha rai laran la dependente fini ne’ebé  mai husi rai liur. Tanba ne’e mak agradese tebes ba povu agrikultura ne’ebé mak nafatin hetan asisténsia tékniku husi ministério agrikultura pecuária pesca e florestas hodi nunee sira nafatin dezenvolve fini hodi nunee labele dependente fini mai husi rai liur, Fini ne’ebé distribui ba Munisípiu 13 inklui RAEOA fini ne’e mai husi rai laran ou agrikultór sira ne’ebé mak dezenvolve ona.

Iha fatin hanesan, Prezidente Autoridade Munisipal Lautem, Melio de Jesus Hakarak lori povu Lautem tomak nia naran por volta de 92 mil populasaun Lautem nu’udar hakarak kongratula no fo apresiasaun boot ba agrikultór sira iha Kota mutu suku Luro mós inklui konvida entidade nasionál membru governu husi nasionál  mai partisipa kolleta hare iha suku Kota mutu ida ne’e. inisiativa  hodi servisu maka’as atu hasa’e produsaun agríkola liu-liu ba hare iha Postu administrativu Luro hanesan tuir  realtóriu ne’ebé servisu munisipal agríkola hato’o katak por volta 333 ital mak ohin  abertura ba primeira kolleta, husi 333 nee mak ita bele hetan produsaun 817 toneladas ba foos ka hare nee signifika agrikultór sira servisu badinas hetan apoiu husi extensionista sira mai ho sira nia vontade rasik ho kondisoens ida ne’ebé mak ladun fo benefísiu ka fo asisténsia di’ak tanba espiritu ida katak nu’udar agríkola sira bele servisu di’ak tanba ohin loron ita bele halo kolleta ida ne’e.

Nia salienta, Iha fulan kotuk iha reuniaun interministerial, Ministériu administrasaun estatal, MAPPF intervensaun husi prezidente autoridade minisípiu ligadu ba potensialidade ne’ebé iha Munisípiu Lautem ba iha agrikulturan ita sujere ona ba Ministério relevante mak, tratór Liman, tratór boot no tratór kiik mai iha munisípiu Lautem. Rua ba adubu ka  pupuk sira ne’e tolu ba hadia Sistema irrigasaun ne’ebé  sei tradisionál  iha Munisípiu Lautem iha kanál irrigasaun  17-20 mak sei tradisonál neduni hakarak atu Ministério  hadia Sistema ne’e.

PAM husu ba Secretário Estado dezenvolvimentu  lokál atu orienta  PNDS atu hala’o atividade Sistema irrigasaun tradisionál no ikus liu kona-ba extensionista sai ezemplu ba agrikultór sira katak extensionista mos tenki iha natar rasik, iha plantasaun modo nian ka  plantasaun saida de’it  atu atria agrikultór sira  no husu ba Ministériu Agricultura kona-ba orsamentu operasionál servisu agrikultór sira  nune’e bele fasilita agrikultór sira iha baze.

Alfredo de Oliveira nu’udar agrikultór hatete,  husu ba MAPPF atu apoiu tratór liman tanba ami presiza hand tratór ho ekipamentu sira hanesan ai-moruk pestisida no adubus organiku nomós hadia kanál irrigasaun utiliza bee ba natar sira ho diak. DMEA