Ministru MAPPF, Eng. Marcos “ MAMETA” da Cruz, MAgSt, Partisipa iha serimonia lansamentu kolheita hare Iha Suku Aiteas, Postu Adm. Manatuto Villa, Municipu Manatuto

Iha diskursu Ministru MAPPF hateten katak , Agradese ba tekniku sira husi Xina ne’ebe mai introdus teknolozia agrikultura ba povu agrikultura Manatutu hodi bele hasae produsaun.

"Primeiru hakarak lori Ministeriu agrikultura nia naran hato'o agradese ba Konsileiru Xina ne’ebé lori povu Xina nia naran iha ne'e, no mos agradese ba tekniku husi Xina ne’ebé maka introdus dadauk teknologia diak sira ne'e atu nun’e bele aumenta koinhesementu ba ita nia agrikultor sira ba ita nia povu para atu bele hasae produsaun. Haree ba ita nia rai laran, Ita presija servico hamutuk hodi aumenta produsaun tamba ita nia populasaun mayoria han etu husi fos” Dehan Ministru.

Ministru hatutantan katak Politika IX Governu ne’e atu hasae produsaun tamba ne’e governu liu husi orientasaun PM atu hasae produsaun hare no hadia isfraktutura liu-liu irigasaun

“ Tamba ne'e governu sentral husi PM rasik ninia politika nia orientasaun katak ita presija amenta produsaun ba hare, atu amenta produsaun ita presija buat barak ita presija konstrui hadia infrastrutura baziku hanesan Irigasaun, Iha Manatuto ita hatene katak iha irigasaun diak ida, uluk Governu Japaun ajuda maibe inpaktu husi udan bo'ot ne’ebé estraga tiha,maibe agora ita servisu ho Ministru Estatal, PAM ita kolabora hamutuk hodi buka meus oinsa maka bele fornese be’e bá iha area natar Manatuto nian tamba ne'e agora ita mobiliza eskavator mai hodi normaliza mota no mos normaliza kanal iha mota Laclo no mos mota Somasi hamutuk ho exkavator ida apoiu husi F-FDTL iha tinan ne'e nia laran ho ida ne'e maka ita ha tama Be’e bá mota 2 ne'e, no ita hare ona katak tinan ida ne'e agrikultor sira komesa halo ona sira nia natar iha area ida ne'e.” Dehan Ministru.

Iha fatin hanesan PAM Manatuto Luis Inacio Henrique Fernandes hato’o katak " Ohin ita mai kolheita kuda hare ne'ebé oferese husu Governo Provinsia Hunan pakote ida ne'e hamutuk ho Selebrasaun tinan 10, infelismente tarde ituan maka ita koelleta ,atu informa deit katak Manatuto tinan ida ne'e ho nia total teritoria ne'e 1700km kuadradu, Mais ba natar ami halo deit 1809ha, espera katak produsaun ne'e depoisde koelheita hotu ita hare ba numeru ne'e mais iha setor agrikultura ho diretur sira ami la koalia konaba viabel,mais ho dirasaun agrikultura agora ne'e buka para Re-koopera fali sira nia fiar atu fila fali ba natar.

Partisipa iha serimonia Kolheita hare ne ‘e maka Ministru MAE, Konsilheru Xina, (Provinsia Hunan) Sekretariu Dezenvolvimentu Lokal, Diretur Jeral husi Liña Ministerais, PAM Manatuto, DG. Cooperasaun Dezenvolvimentu Institusaun,Komandante Policia eskuadra Manatuto, Chefe Suku, Chefe Aldea, Extensionista, Komunidade no Agrikultor sira (Natar nain) Media- Gab.MAPPF