Dili, 16 Maiu 2024 – Ministru MAPPF Marcos “MAMETA” da Cruz iha quinta semana ne’e hetan visita kortezia husi Li Xiaosan Vice Chairman husi Provinsia Yunan – Xina, iha salaun MAPPF Comoro hodi koalia kona ba objetivo Governu Xina nian hakarak halo koperasaun iha area agrikultura, liu – liu iha area Cafe.

“Ohin ita hasoru malu ho ema bo'ot ida mai husi Governo Xina Sr. Li Xiaosan, mai koalia kona-ba setor Agrikultura liu-liu ba Kafe, tamba sira iha provinsia ida naran Yunan ne'e dezemvolvimentu Kafe iha ne'eba kapas los tamba ne'e maka ohin ita koalia kona-ba oinsa ita bele servisu hamutuk hodi aumenta produsaun kona-ba Kafe nian.” Lia hirak ne’ e hato husi Ministru Marcos MAMETA ba jornalista sira iha uma adat Comoro depois reuniaun remata.

 Ministru mos salietan tan katak “Iha diskusaun ami diskuti no fahe informasaun ba malu assuntu kona ba assuntu ne'e, ita informa ba sira katak ita iha plantasaun kafe nebe atinje kuaje 59.000 hektares iha Timor laran tomak iha Municipiu 6 hanesan "Ermera, Aileu, Ainaro, Manufahi, Liquisa, ho Bobonaro, nebe nia produsaun to'o agora atinji 12.000 toneladas husi produsaun hotu no halo Exporta ba rai liur, ita nia kafe ne'e kategoria kafe organiku, ho nia sistema ita bolu Agro Florestal tamba ita kuda kafe iha fatin nebe hetan mahon husi ai ou ita kuda kafe iha ai-mahon nia okos.

Delegasaun Xina esklarese katak sira iha esperensia dezemvolve kafe ne'e tinan barak ona hanesan iha provinsia ida iha parte Sul husi Xina nian, sira nia dezemvolvimentu ba plantasaun kafe ne'e avansadu los, tamba ne'e maka ita husu sira nia apoiu no sei haruka tekniko hodi bele mai vizita, Tamba durante ne'e teknuku baluhusi Xina mos halo hela servisu iha area plantasaun kafe Munisipiu Ermera no nia resultado husi nia produsaun sira loke nogosiu hodi faan kafe iha Fatu-hada-Dili. Delagasaun ne’e mos sei kontinua halo vizita trabalho iha Munisipiu Ermera, no ba oin sira mos hakarak konvida ita nia ekipa husi MAPPF hodi ba hare oinsa bele dezemvolve plantasaun kafe,maske diskusaun ne’e konsentara ba plantasaun kafe maibe Xina la taka dalan no husu Ministerio nia planu, Ideis no hanoin ruma konaba dezemvolvimento Agrikultura iha setor seluk. Ministeriu laos hare deit konaba Kafe, maibe mos hare konaba Agrikultura, hanesan Hare, Batar, Koto, Ikan, Modo,Pekuaria no Floresta, hodi hoinsa oinsa bele dezemvolve area sira ne'e hotu. Ekipa Média DMEA-Gabinete Ministro