Liquiça- Diresaun Nasionál Extensaun e Formasaun Agricola ne’ebé tutela iha Diresaun Geral Agricultura Plantas e Industriais, sexta semana liu ba aprezenta planu Asaun Annual hamutuk ho Diretores Serbisu Agrikola Munisipius ho objetivo atu konsolida serbisu hotu nebe sei realiza tuir plano orsamento 2025 nian. Enkontro ne halao iha salaun INPA Maubara nebe hetan akompanhamentu husi Diretur Geral Agrikultura no Diretur Nasional Planeamentu nebe mos hanesan orador prinsipal nebe koalia hodi apresenta serbisu planeamentu nian no programa Ministerio nebe hatur iha Plano Asaun Annual.
Iha entrevista Diretór Jerál Agrikultura, Martinho Laurentino Soares, katak, iha enkontru konvida mós Diretór servisu Agríkultura munisípiu no Extensionista sira hodi partisipa atu fo hanoin oinsá konsolida servisu extensaun ba oin bele fo apoiu ba Diresaun jerál no Nasionál nian iha baze, tanba durante ne’e sai kestasaun mak produsaun ai-han, tanba extensinista sira envolvimentu iha setór produsaun ne’e inportante tebes.“ Ita mós haree ba kestaun ida mak atu kompleta númeru extensionista sira iha munisípiu tanba suku barak seidauk iha extensionista, ekontru nasionál envolve mós Diretór munisípiu sira hodi fo hanoin ba malu, maibé dezisaun MAPPF rasik katak husi servisu agrikultura munisípiu sira atu haree oinsá para bele kompleta extensionista sira ne’ebé mak presiza iha suku sira ne’ebé mak extensionista sira seidauk iha, ba oin husi servisu sentral nian hanesan Diresan Nasionál Extensaun Formasaun Agricola (DNEFA) oinsa atu prepara nune’e bele kapasita sira hodi fo apoiu máximu ba MAPPF liu-liu servisu extensaun iha baze”.tenik Nia
Nia hatutan, iha Aprezentasaun ne mós kolia kona-ba oinsá atu servisu dizitalizasaun servisu extensaun tanba durante ne’e ita hala’o servisu extensaun ne’e barak liu husi treinamentu rai laran no mos rai liur, maibé ba oin iha posibilidade ona para ita bele utiliza dizitalizasaun ba servisu extensaun ne’e diak liu iha futuru hodi fasilita servisu Extensaun sira iha baze.
Iha fatin hanesan, Diretór Servisu Agricultura munisípiu Covalima Lino Magno hateten, iha munisípiu Covalima difikuldades balaun nebe sira hasoru maka extensionista la sufisiente tamba tuir plano nebe apresenta katak iha PAA 2025 tau mos orsamento ba rekrutamento estensionista foun nain-10 hodi bele fo apoiu servisu agrikultura iha suku, tamba baseia ba planu Ministériu nebe hakarak expanda area produtivu hamutuk 500 hektares area kultivo iha tinan 2025 nebe 300 hectares serbisu lao heta iha tinan 2024 no 200 presisa kontinua iha fatin rua Tilomar no salele. Ekipa DMEA
