Viqeque,5/4/2024-Ministru Agrikultura, Pekuaria, Peskas e Floresta Marcos “MAMETA” da Cruz akonpainha husi Diretor nasional Estensaun no Formasaun Agrikola, Diretor Nasional Irigasaun, Diretor Nasional Agrikultura e Hortikultura partispa iha seroimonia hand over trator Mini Kubota unidade 4 ba Presidente Autoridade Munisipiu Viqueque.
Ministro Agrikultura halao serbisu trabalho durante loron 2 iha Munisupiu Baucau no Viqueque, serbisu ba dahuluk iha Baucau Marcos “MAMETA” da Cruz hamutuk ho PAM Baucau Dra. Veneranda Eurico Marques Lemos Martins desloka iha Posto Asdministrativo Venilale hodi hala'o Observasaun no hare bersik liu ba Konstrusaun Irrigasaun Galata Venilale, nebe kompaña China Civil Engineering Construction Corporation maka halao hela construsaun no Projetu Refere atinzi ona 40% porsentu, tuir planu projeitu ne´e sei remata iha tinan 2025 nebe nia lansamentu fatuk dahuluk ba Projetu ne'e iha loron 16 de Dezembru 2022.
Depois de halao tiha serbisu lubuk ida iha Venilale, Ministro Agrikultura kontinua hakat ba Munisipiu Viqueque hodi entrega trator Mini Kubota 4.
Iha serimonia entrega trator ba PAM Viqueque, Ministru Agrikultura Marcos “MAMETA “da Cruz hateten, ita entrega mini trator foun ho unidade 4 ba PAM Viqueque inklui mos tratores tuan seluk nebe sei diak no destaka iha sentru ida idak, hodi fo asistensia no halao hela serbisu ba agrikultores iha Viqueque, nebe hamutuk unidade 39.
Uluk tratores nebe iha Munisipiu ita entrega no nia gestaun Agrikultura Munisipiu maka iha kompotesnsia hodi kontrola maibe agora Tratores ne’ebe iha Viqueque, kompetensia tomak entrega ba PAM hamutuk ho Agrikultura Municipiu halao linha koordenasaun nebe diak hodi atende ejisensia agrikultores iha Viqueque.
Husi parte seluk, Presidente Autoridade Munisipiu Viqueque “Francisco Cruz Simões de Gonzaga” hato’o mos katak ekipamentos nebe ohin ami simu, nudar Autoridade Municipiu Viqueque hau sei Orienta atu hala'o servisu tuir ninia dalan la haree ba kores partidus rasas no grupu maibe hodi servi povu no ba Nasaun liu-liu servi povu agrikultor sira iha Municipiu Viqueque.
Tur observasaun husi tekniku, iha tratores balu nia kondisaun at, maibe Ministerio da Agrikultura, Pekuaria, Peska no Floresta tau ona iha plano no buka dalan hodi sosa fali ekipamentus hodi tekniku hadia nune’e bele halao fali atendimentu serbusu ho diak liutan ba serbisu agrikultura iha Munisipiu Viqueque.
