Bobonaro- 18/12/2023, Ministru Agrikultura  Pekuaria, peska no Floresta, Eng. Marcos da Cruz entrega eskola tekniku vokasional Agrikola ba Ministério Edukasaun hodi jere  kurikulum eskola  diak liu tan iha futuru nune’e estudante sira ne’ebe maka hetan ona graduasaun iha eskola tekniku molean -Maliana  hamutuk 59 pessoas  iha eskola refere atu bele kontinua aprende diak liu tan.

Iha diskursu ministru MAPPF,  Marcos da Cruz iha serimonia graduasaun estudante finalista Eskola tekniku Agrikola Moleana- Maliana  hatete, Ministériu Edukasaun  maka sei tau matan ba eskola formal, no eskola tekniku vokasional agrikultura nian ka formasaun ida noun formal ne’e,  hodi nune’e wainhira hetan ona graduasaun imi bele aprende tan no bele kontribui buat ruma iha eskola refere. La’os dehan ministériu agríkultura maka  lakoi tau matan ba imi, maibé politikamente maka tenki hanesan ne’e.

Ministru hatutan, Di’ak liu ministériu edukasaun maka bele haree ba kurikulum ne’e hodi haree didi’ak, Nune’e oinsá mak eleva koñesimentu ema formandu no mos agrikulktór sira hodi bele aumenta produsaun alimentar  agrikultura nian.

Ministro MAPPF hato’o agradese wain ba professor sira -nia  kontribuisaun durante ne’e.mos fiar katak estudante ne’ebé maka  remata ona  iha konesimentu ne’ebé klean kona-ba órtikula kuda hare no oinsa hakiak animal no hakiak  ikan ba oin diak liu tan.

Iha fatin hanesan  tuir diretór Diresaun Nasional Formasaun Tekniku Agrikola (DNFTA), Ipolito da Costa esplika, komesa ano letivu 2024 prosesu hirak ne’e   formalmente lidera ona husi ministériu edukasaun. Maske  jestór mak  edukasaun maibe prosesu hotu sei lao hanesan babain no sei servisu hamutuk nafatin hodi dezenvolve di’ak liutan.