DILI; 14/12/23- Ministeriu Agrikultura Pekuária, Peskas no Ploresta (MAPPF) realiza workshop nasionál kona-ba aprezentasaun matadalan/ lala’ok sukat produtividade ortikultura (modo no aifuan) ne’ebé aprezenta husi dosente universidade udayana Bali (UNUD), Objetivu atu aprova matadalan kona-ba sukat ka ubinan produtividade Ortikula no Fruitikultura, Matadala ne’e kria entre Servisu hamutuk Ministerio Agrikultura Timor-leste ho Universidade Udayana Bali,. Workshop ne’e realiza iha salaun Delta Nova.
Iha diskursu Ministro MAPPF, Eng. Marcos da Cruz esplika Ba dala uluk hakarak hato’o agradese ba hirak ne’ebé fasilita atividade ne’e no profesor nain rua ne’ebé mak ajuda ona ekipa formasaun ba ema nain 10 no hakerek matadalan ne’ebé mak di’ak no komprimitivu.
“Ha’u sente ida ne’e ajuda tebes dezenvolvimentu agrikultura ba dahuluk iha ortikultura timor-leste”. Iha parte ida ne’e oinsa mak ita bele aumenta produsaun iha agrikultura, peska, pekuaria no oinsa mak ita bele proteje ita-nia ambiente ou ai-horis sira. Ne’e maka papel, ministeriu nia servisu liga ho buat haat ne’e. Nune’e ohin ita mai ko’alia kona-ba sub seitór ida bolu kona-ba ortikultura ne’e mós importante ba ema nia vida.
Nia hatutan, Durante sukat no foku liu ba hare, batar, ne’e mak ita ko’alia kona-ba produsaun ne’e hira,, ita presija fos toneladas 200 mil karik presija batar, maibe dalabarak ita seidauk ko’alia didi’ak kona-ba ortikultura, ne’ebé politikamente iha futuru tenke dezenvolve sub seitór ne’e hotu, liliu mós ba dezenvolvimentu agrikultura organiku.
Nune’e diskusaun ne’e importante tebes oinsa produtu agrikultura modo nian iha produsaun tanba iha munisipiu balun ne’ebé mak produs ona hanesan Aileu, Ainaro, Manufahi no Baucau ne’e produtu hanesan modo no tomate iha maibé seidauk iha dalan ka metodu oinsa atu sukat.
Nune’e tuir professor DR. I NYoman Rai hateten, ami hosi universitas uadayana sente kontente tebes hetan apresiasaun tanba atividade iha timor barak tebes liga ho agrikultura neduni espera kooperasaun servisu entre Timor-leste liu hosi MAPPF ne’e bele lao ho di’ak no ba futuru bele fo rezultadu di’ak iha area agrikultura nian.
Iha fatin hanesan, Diretor Jerál Agrikultura Ortikultura no Irigasaun, Martinho Laurentino Soares esplika, Matadalan ne’e produz relasiona ho objetivu katak presija atu sukat produtu ortikultura inklui hanesan aifuan, modo, koto, fehuk ne’e ita presija sukat, tanba Ministériu Agrikultura desde ukun aan to’o ohin loron ita sukat ka halo ubinan mak produtividade no produsaun hare no batar maibe ba aifuan, modo no seluk-seluk tan ita seidauk halo. Tanba ne’e mak ita halo memorandu ho akordu ida entre Ministeriu Agrikultura no universidade udayana. Akordu ne’e hala’o iha 2015 no iha 2019 Ministériu haruka tekniku nain 10 ba tuir formasaun iha Bali. Depois iha 2020-2021 ne’e kesteun covid entaun laiha kontinuidade ba atividade ida ne’e maibé iha 2022 husi ema nain 10 halo selesiona fali nain 6 ba hodi aprofunda konesimentu no estabelese matadalan ne’ebé hakerek ona iha livru.ne’e.
Neduni iha futuru Ministétiu bele tau orsamentu atu bele apoiu tekniku nain neen bele fo fali treinamentu ba pessoal ka Estensionista sira iha nivel munisipiu nune’e bele hahú halo servisu kona-ba oinsa atu sukat ka ubinan ba produtu ortikulas liliu aifuan. Ekipa Info
