Dili-30-11-23, Ministério Agríkultura Pekuaria, Peskas e Floresta liu husi Diresaun Nasionál de Inspecção das Pescas e dos Recursos Aquaticos halo markasaun no numerasaun ba ró peskas artezenal uja makina no la uja makina atu identifika peskadór hira maka halo atividade peskas iha Timor-leste, Markasaun ne’e hala’o iha Munisipiu Dili.

Iha entrevista xefe ekipa markasaun ró, Arsenio Gabriel Gonzalves esplika, objetivo husi markasaun ró ida ne’e atu bele identifika peskadór sira nain hira maka halo atividade peskas no hafasil peskador sira wanhira hetan dezastre iha area tasi.

Nia hatutan, iha area tasi tolu ró unidade hat (4) no sei kontinua ba fatin sira seluk, markasaun ne’e ba dala rua ona tanba peskador kada tinan aumenta, primeiru markasaun ne’e hala’o iha tinan 2012.

Markasaun ba ró ida ne’e husi Ministério la hare ba ró ne’e apoiu husi ministerio ou lae husi individual deit mos bele tau markasaun para atu bele hatene lolos katak peskadór sira ne’ebe maka halo atividade peskas ne’e iha hira. Tenik Arsenio

Nune’e peskadór Afonso da Costa hateten, Peskadór ne’e mos sente kontenete tanba Ministério Agríkultura Pekuaria Peskas E Floresta ba tau markasaun atu nune’e sira nia ró lakon karik fasil ba sira hodi bele hetan.

Nia realsa, sosa ró ne’e hahu husi 1999 ho unidade ida (1) depois uza to’o at maka foin bele sosa fila fali ró foun, agora dadaun ró iha hat (4) no sira halo grupo maibe husi ministerio seidauk fo apoiu ekipamentu balaun ba peskasdór sira, Durante halo atividade peskas depende ba kondisaun tasi, sira hetan osan uitoan hodi bele sustenta ba nesesidade familia

Atividade markasaun ró ne’e hala’o iha Munisipiu Lautem, Baucau, Manatuto, Likisa, Bobonaro, Manufahi, Ainaro, Dili Inklui RAEOA.