Dili-16-10-2023, Antes atu remata projetu iha tinan ida ne’e, Ajensia JICA aprezenta rezultadu servisu ba Ministério Agríkultura Pekuaria Peskas no Floresta (MAPPF) iha area Agrikultura ne’ebe maka hala’o durante ne’e iha munisipiu Bobonaro no manatuto.
Iha entrevista Diretór Jerál Agríkultura e Hortikultura, reprezenta Ministro MAPPF Martinho Laurentinho Soares hateten, Atividade ohin ne’e relasiona ho implementasaun Projetu ne’ebe hadia rendimentu uma kain liu husi governu Japaun finansia hodi halo rehabilitasaun ba irigasaun iha Maliana 1 ne’ebe halo iha 2009 no tinan 2013 to’o 2014 hahu fali iha irigasaun Bluto Manatuto, hodi fornese Bee ba posto adminitrativu laleia ho Vemase laos ida ne’e de’it governu Japaun mos finansia hodi hadia produsaun hare iha fatin rua ne’e.
Nia realsa, projeitu ne’e hahu husi 2016 to’o 2021 tinan 5 depoizde aumenta tan tinan 2 to’o 2023 neduni Durasaun projetu tinan 7 ona, neduni antes projetu ne’e hotu iha fulan Dezembro 2023, JICA halo seminario ikus hodi aprezenta rezultadu servisu ne’ebe durante ne’e hasa’e produsaun hare iha fatin rua.
“Rezultadu kona-ba produtividade iha munisipiu rua ne’e konsege atinje toneladas 5 too 6 kada ektares, antes hetan apoiu hosi JICA produtividade iha fatin rua ne’e hetan de’it toneladas 2 to 3, depois sira fo apoiu produsaun hare iha fatin rua ne’e konsege sae ne’e hanesan ezemplu diak ba Ministériu Agríkultura, iha governu dasia ne’e Ministru MAPPF komprometidu atu fo apoiu ba fatin 2 nune’e produsaun bele mantein nafatin. Ba tinan oin JICA mos sei haruka Asesor ida mai hodi akompañha ita liu-liu ba produsaun hare Timor-Leste”. Dehan Martinho
Nuneé mos reprejentante JICA Timor-Leste , Hayakawa Yuta hateten, JICA nia prioridade atu hasa’e seguransa alimentar liu-liu komoditi hare, MAPPF mos iha ona planu atu hasa’e produsaun nomos espanda ka Haluan tan area kultivasaun iha rai-laran, presija ita -nia demanda ne’ebe maka ita planu hodi atinje nomos ba iha area irigasaun ita mos sei espanda to’o 50 mil ektares no liu husi projetu ida ne’e JICA mos apoiu ba iha produsaun nian no irigasaun nomos liga ba merkadoria, espera katak to’o iha 2028 sei manten nafatin ho espanda ba iha area potensia sira seluk.
JICA mós sei nafatin apoiu Ministeriu Agrikultura hodi haree hamutuk aktividade ne’ebe maka halo tiha ona nune’e bele atinje objetivu iha 2028 tuir planu governu dasia nain.
