Manufahi- 11-11-2023, Ministério Agríkutura Pekuaria Peskas e Floresta (MAPPF) liu hosi Dirasaun servisu Agríkultura Munisipio Manufahi ho parseiru dezenvolvimentu Food Agriculture Organization (FAO) kolleta batar hamutuk ektare 24 ne’ebe maka uza sistema Conservasaun Agrikultura (CA) ne’ebe hatudu rezultadu diak tebes, iha Suku Betano Posto Administrativu Same Vila.
Iha entrevista Diretór Jerál Agrikultura e Hortikultura hanesan mos Reprezenta Ministro MAPPF, Martinho Laurentinho Soares esplika, Batar hanesan produtu alimentasaun ne’ebe importante ba Timor oan, maibe ohin loron ema ne’ebe han batar menus, ba parte merkadu folin tanba batar sai hahan ba animal karau, Bibi, Manu inklui mos produtu seluk ne’ebe ajuda fó han ba ikan.
“MAPPF mos iha ona makina prosesamentu ba aihan animal nian iha Maubara Munisispio Likisa tanba ne’e presiza batar atu produs ba hahan ikan no manu. Ne’eduni grupu ida naran raifusa presija produs batar iha area hamutuk 24 ektares maibe ba oin aumenta tan hodi hasa’e produsaun batar”. Katak DJ Martinho
Nia akresenta, uluk komunidade seidauk uja sistema CA kuda batar sempre fila rai no sunu rai kada ektare hetan toneldas 3 de’it maibe uja CA la presija fila rai no sunu rai maibe uza lehe no batar kain sira ne’ebe maka iha hodi ajuda rai ninia bokur nune’e bele hasa’e produsaun sae ba 7 toneladas kada ektare, hein katak komunidade sira ne’ebe maka uza nafatin sistema CA iha futuru mai.
Iha fatin hanesan, Manager Programa FAO Timor Leste, Som Khanal hato’o Obrigada no apresia ba suporta tomak husi Administradór entre munisipio hotu hotu ba programa ne’e tanba programa ida ne’e diak liu maka husi Munisipio Manufahi.
’’ Ha’u servisu iha FAO nian hahu iha fulan Abril, maibe molok ha’u atu mai Timor, ha’u akompaina enkontru importante hanesan komisaun diretativa nian kona-ba programa hirak ne’e, Atividade pratika CA ne’e hanesan pratika foun ida husi Agrikultura nian, programa ne’e Autoridade lokál no MAPPF maka sai nain ba programa CA ne’e, entaun komunidade sira kontente tebes bele implementa programa iha fatin ida ne’e” Tenik Nia
Nune’e mos Administrador Munisipio Manufahi, Arantes Isac Sarmento hateten, Hanesan servidor munispio Manufahi primeiro hakarak hato’o agradese ba guvernu liu MAPPF ne’ebe servisu hamutuk ho parseiru sira liu-liu FAO tanba tinan lobuk ida maka mai apoiu hela atividade agrikultura nian iha Munispio ida ne’e.
“Ha’u mos hakarak agradese tebes ba agrikultór sira tanba uluk kuandu ita halo kolleta primeiro iha ne’e ninia rezultadu naton de’it, maibe ohin aumenta tan, tanba uja sistema CA, tanba uluk ita sei sunu rai fila rai depois kauza sira hanesan bailoro naruk ne’e prejudika buat bo’ot tebes, entaun ho programa ida ne’e ajuda tebes ita- nia agirkultor sira hodi bele hasa’e produsaun batar la fila ona rai.” Tenik Arantes
Nia dehan, sistema CA sai hanesan metode diak ba estensaun Agrikola atu hasa’e koineseimentu ne’ebe diak ba agrikultór sira hodi bele halo adaptasaun ba sistema CA ne’e, sistema ne’e mos hanesan modelu foun atu nune’e bele promove CA ho meius ida hadia ambiente e hasa’e produsaun liu-liu ba familia sira.
Entretantu Agrikultór Marcos Pereira sublinha katak, ba oin laos atu hanorin malu maibe fahe esperiensia ba malu kona-ba programa CA ne’ebe mai husi MAPPF nomos parseiru Deszenvolvimentu FAO ne’ebe maka lao ona iha Betano neduni husu ba nain ulun sira ba oi tenki kontinua nafatin programa ne’e ba susesu agrikultura iha futuru mai.
Serimonia kolleta batar ne’e Partisipa mos Diretora Jeral CDI Ervina Dirtór Nasionál Estensaun Agrikola, Diretór Nasionál Agrikultura e Hortikultura, komandante F-FFDTL no PNTL Munisipio Manufahi no partisipa masimu husi Agrikultór Suku Betano nian. (Tyfa)
