Dili-10-10/2023, Ministério Agríkultura Pekuaria Peskas e Floresta estabelese koperasaun servisu ho Ministério Agrikultura Indonesia husi Politeknik Injiring Pertanian Indonesia (sigla Indonezia PEPI) liu husi Embaixada Indonesia iha Dili oferese bolsu estudu ba estudante nain tolu hosi eskola tekniku vokasional Agrikola Natarbora Manatuto no Moleana-maliana. Bolsu estudu ne’e iha area Irigasaun Mekanizasaun Agríkola no teknolojia agrikultura iha tinan akademiku 2023-2024.
Iha Diskursu Ministru MAPPF, Eng. Marcos da Cruz, Agradese ba Nasaun Indonesia Liu husi Embaixada Indonesia ba Timor-Leste ne’ebé oferese ona bolsa estudu ba timor-oan hodi kontinua nia estudu iha area ne’ebe maka sira hili.
“ tinan ida ne’e haruka estudante nain tolu ne’e husi eskola tekniku agrikola Maliana no Natarbora ne’ebé durante ne’e ministériu liu husi DNFTA maka halo jestaun. Sira tuir teste no halo selesaun nain tolu mak pasa hodi kapasita sira iha area hanesan Irigasaun, mekanizasaun agrikola no Teknologia agrikultura”.Tenik Ministru
Neduni governu liu husi MAPPF nia priorodade ida mak seitór agriklutura, tanba ne’e atu hasa’e produsaun presiza ema matenek ou rekursu umanu di’ak iha seitór agrikultura importante hodi bele halo servisu ba agrikultura nian.
Iha fatin hanesan, Embaixadór Indonesia iha Timor-leste, Okto Dorinus Manik, orgullu Ministério Agrikultura ne’ebe maka halo koperasaun servisu entre Ministério Agrikultura Timor-leste ho Indonesia nian iha area agrikultura neduni bolsu estudu ba estudante sira hanesan programa prioridade ba dala sia iha Timor-leste.
Nia Hatutan, apresia tebes ba estudante sira hetan bolsu estudu hosi Engineering Politeknik Petanian ne’ebe maka kualidade iha Inonesia. Neduni husu ba estudante sira atu bele aproveita masimu oportunidade iha neba tanba hili ona imi atu bele kontinua estudu hodi hasai Diploma III durante tinan tolu.
Alende ne’e estudante Aquelino Rodrigues sente kontenti tanba sai hanesan joven produtivu hakarak aprende iha setór agrikultura, tuir prosesu ne’ebé iha sei to’o tinan tolu, Ami nain tolu ba aprende iha departamentu tolu hanesan, mekanizasaun, pos-kolleta no jestaun ba bee (tata irigasi), espera ami fila fali mai Timor-Leste bele aplika ba ita nia nasaun”.
Hafoin remata ministru MAPPF hamutuk ho Embaizadór Indonesia akompaña husi inan-aman sira hodi entrega dokumentus (Pasaporte no bilite Viajen) ba estudante sira iha uma adat MAPPF Comoro. Ekipa Info
