Dili-Ministru Agrikultura Pekuaria Peska no Floresta Eng. Marcos da Cruz hamutuk ho Presidente Republika José Ramos Horta,ofisilamente Lansa fini haat ho variadade 10 ne’ebé mak aprova ona hosi konsellu fini Nasional. Fini hirak ne’e hanesan, Batar Hibrida Timor, Koto badak, Duhaen, Haré mean no mós teknologia foun biochar (hare latun). Serimonia ne’e hala’o iha loron tersa, 24/10/23 iha salaun São José Catedral Villa Verde.
Iha Diskursu Presidente Repúblika, José Ramos Horta hateten, agradese ba prof. Soon Kwon kim no pekizadór sira iha Diresaun nasional peskiza no estatistiak (DNPE) nia susesu no enkoraza Ministériu MAPPF atu kontinua investe iha peskiza no dezenvolvimentu, presidente mós hateten importansia husi bee ba agrikultura sustentavel.
Presidente hateten, ministériu MAPPF presiza halo planu orsamentu ho di’ak ba tinan 2024 no ezekuda ho didiak teknolijia no programa ba jestaun bee.
Iha entrevista ministru MAPPF, Eng. Marcos da Cruz hateten, lansamentu ba ai-horis haat no teknolojia foun ho naran biochar (Latun) dezenvolve sai ba audubu organiku. Tanba atu aumenta produsaun importante liu mak fini.
Neduni peskizadór husi MAPPF iha ne’e, servisu hamutuk ho Profesór Kim mak halo peskiza ba ai-horis hirak ne’e ho tempu naruk. Maibé ba dezenvolve fini ne’e la’os variadade sanulu ne’e de’it maibé iha tinan 2007 to tinan 2012 lansa ona varidade sanulu resin sia no agora fihi sira habarak iha agrikultór sira nia to’os.
Iha fatin hanesan, peskizadór Celestino Luis Moreira esplika, husi ai-horis haat ne’e ho nia variadade sanulu maka Variadade sanulu maka batar hibrida, ho variadade rua Timorkimdinu un, hare mean, ho nia variadade waikana, duhaen ho nia variedade Lume, Wewe, Duhaein. koto badak variadade biacara, variadade suhurama, Ariana no erava. Variadade hirak ne’e ofisilamente sei uza iha komunidade hanesan mós ai-horis ne’ebé mak lansa ona tinan hira ba kotuk.
“Neduni fini ne’ebé produs ona, ita lansa ne’e sufisiente ona para ita haree iha tempu tuir mai ita sei entrega ba diresaun tekniku ou diresaun nasional agrikultura no ortikultura departementu fini atu oinsa bele habarak iha nivel produtu fini ba iha fini sertifikadu fini komersial ne’e mak hanesan agrikultór sira produs hafoin ita sosa no distribui fali ba agrikultór sira seluk”. Tenik Nia
Antes lansa fini, Peskizadór DNPE halo mós Seminariu internasional durante loron ida hodi halo diskusaun hodi aprezenta resultadu peskiza hamutuk ho prof. Soon Kwon kim.
DNPE ne’e esensial tebes hodi hadia produtividade no resilensia seitór agrikultura iha Timor-Leste. Ekipa Info
