Iha seremonia kolleta haré ne’e, Diretór Nasionál Agrikultura no Hortikultura Lucio Romeo Ribeiro, reprezenta Ministru MAP hateten, Tinan ida ne’e foin mak implementa iha demo-area neébe utiliza adubus organiku poc nasa, super nasa no harmonik iha area ektare sanulu (10) espera katak ba epoka tuir mai bele aumenta tan ba ektare haat nulu (40) ba demo area iha munisipiu haát (4) hanesan Ermera, Aileu, Luiquiça no Lautem neébe maka foin implementa audubus organiku poc nasa, super nasa no harmonik iha tinan 2023.
“Iha suku ne’e rasik Husi tinan 2022 ba kotuk kolleta ona kuaze ektare Atus Haat Hitu Nulu (470), nia resultadu kolleta 3.8 toneladas kada ektare no responde ona ba programa sesta basica no balu faan ba CLN mak sosa. Espera mós produsaun bele maka’as no guvernu bele sosa lori ba armajen fós ne’ebé mak sei mamuk hela”. Dehan Diretór Lucio
Iha fatin hanesan Diretór servisu Agrikultura Munisipiu, José de Deus esplika katak, area natar iha suku Asulau Saré hamutuk ektare atus haat sanulu resin neen (416), hakarak atu konklui hotu maibé problema ne’ebe ami hasoru maka mota ne’ebé sempre estraga, tratór iha haat deit no tuan hotu ona no laiha manutensaun di’ak hodi nune’e labele kobre hotu.
Nune’e mós Zil Martins nu’udar Agrikultór esplika katak, hareé ne’ebé dadaun ne’e kolleta, ami halo preparasaun durante fulan haat hahu hosi Fulan Janeiru to fulan Abril hodi hetan resultadu hirak ne’e maske seidauk masimu.
“Tinan ne’e ami esforsu atu implementa uza adubu organiku tanba iha adubu poc nasa hodi hatene resultadu ne’e, infelizmente tanba kauza hosi natureza hodi ami laservisu tuir tekniku ne’ebé iha nune’e haré balun kuda hetan estragus husi hosi mota”.
Nia parte mós husu ba guvernu atu bele kontinua implementa Audubus hirak ne’e nune’e ba oin bele hatene resultadu produsaun ne’ebe diak iha futuru.
Irrigasaun ne’e ba futuru sei fornese bee ba komunidade sira iha Asulau Saré nia natar, tanba ne’e ba oin governu dasia atu kontinua tau orsamentu para bele hadia bendungan ida para fornese bee ba iha Faularan no Asulau Saré. Fyna
