Dili- 23/06/2023, Embaixadór Israel ba Singapore Vizita Ministériu Agríkultura no Peskas hodi hasoru malu ho allumi Arava Internasional Centre for Agricuture Training (AICAT) atu haree liu-liu progresu atividade ortikultura ne’ebe mak allumni sira halo ona iha Timor-Leste.
Iha oportunidade ne’e, Diretór Jerál Cooperasaun no Dezenvolvimentu Instituisional, César José da Cruz ba jornalista sira esplika, objetivu simu Embaxadór Israel ba Singapore iha Timor-Leste, tanba kooperasaun ne’ebe ita hala’o hamutuk ho nasaun Israel, atu haree liu-liu kona-ba atividade ne’ebe mak eis allumi AICAT halo ona iha Timor-Leste.
Nia hatutan, Durante ne’e allumi AICAT sira ba aprende tinan ida kona-ba otikultura iha Israel, total eis allumi hamutuk 300 pesoas no MAP mos hahu haruka fali joven sira ba tinan ida ne’e hamutuk 100 pesoas hodi tuir tan formasaun.
”Nasaun Israel mos oferese tan formasaun masavah ne’ebe maka atu haree liu ba merkadu, koperasaun ida ne’e diak tebes ho ita- nia parseiru husi nasaun Israel atu dezenvolve ortikultura iha Timor-Leste oinsa ba futuru atu bele halo esportasaun ba rai liur.”hateten César
Nia akresenta, planu Ministeriu nian iha futuru bele haruka nafatin alunos sira ba aprende iha ne’eba, maibe tenki fahe tempu diak hodi aprende teoria loron rua, pratika loron haat nune’e alunos bele aprende liu tan, maibe hare mos ekipamentus no materiais ne’ebe maka iha Timor nia kualidade la dun diak, no oinsa atu bele dezenvolve drip irrigation iha Timor Leste liu-liu konaba ba ortikultura.
Iha fatin hanesan, Embaxadór Israel ba Singapore Mr. Sagi Karni sente kontente tebes tanba bele haree progresu alumi sira nian ne’ebe maka diak hodi hasa’e produtu barak liu tan no hetan osan hodi sustenta ba ema ida-idak nia moris.
Embaxadór ne’e mos hateten, hosi parte Isreal nian hakarak apoiu ba Timor Leste ne’e duni fó kapasitasaun ba joven sira iha futuru atu ba aprende iha Israel nune’e Timor oan sira la bele depende deit ba Israel, maibe tenki iha rekusu rasik no sira mos bele apoiu fasilidade hanesan mangera ba irigasaun.
Nune’e mos allumi AICAT Pedro Xavier Brito hateten, durante ne’e governu Timor-leste liu husi Ministério Agíkultura e Peskas ne’ebe maka haruka ona estudante lubuk ida ba tuir formasaun iha Israel, foka liu ba seitór agrikultura, ortikultura inklui mos aquikultura ne’ebe maka durante ne’e sira aprende.
durante tinan ida sira aprende iha Israel foka liu ba siensia teknologia no sira fila fali mai Timor agora daudaun iha munisipiu sira kuase estudante husi alumi AICAT no sira implemeta ho sira nia orsamentu rasik.
Allumi AICAT balun mos daudaun ne’e implementa hela programa iha Viqueque rai-tahu no hetan apoiu husi Ministério agríkultura e peskas liu husi Diresaun Nasional Agro-comercio ne’ebe maka servisu hamutuk mos ho Diresaun Nasional Formasaun Tekniku Agrikola hodi halibur estudante sira ne’ebe maka durante ne’e ba tuir formasaun iha Israel no sira fila mai estabelese mos sentru integradu ba agro-ekoturismu hanesan, ortikultura, aquikultura, pekuaria, nomos peskas.
Atividade ne’ebe maka durante ne’e sira hala’o hetan apoiu orsamentu husi MAP hodi fasilita tekniku no sira mos fó formasaun no kapasitasaun ba inan ho aman sira nomos joven sira ne’ebe maka presiza tebes formasaun ba iha parte tekniku atu bele moderniza seitór agrikultura liu-liu iha nivél irigasaun tanba Timor ne’e dala barak ita mai ho agrikultura ne’ebe maka sei tradisionalmente,
Formasaun ne’e hare liu ba oinsa halo adubus, kontrolu peste, manutensaun nomos orienta oinsa lori produtu ba merkadu hodi bele garante ninia kualidade no kuantidade liga ba merkadu lokál no mós merkadu nasionál iha Timor-Leste.
Iha vizita ne’e Embaixadór Israel ba Singapore Mr. Sagi Karni halo mós diskusaun ho allumni AICAT ne’ebé durante ne’e aprende iha Isreal ho hatene sira nia esperensia no progresu servisu ne’ebé mak sira implementa iha Munisipiu sira. Eby
