Liquiça- (7/6/2023), Ministério Agríkultura e Peskas Liu hsi Parseiru Desenvolvimentu Australian Centre for International Agriculture Research (ACIAR) vizita ba sentru peskiza loes hodi haree dereta atividade neébe mak durante neé peskizadór halo iha Sentru peskiza Loes.
Iha entrevista, Diretór Nasional Peskiza Estatiska, Deolindo de Oliveira esplika, Objetivu ACIAR durante neé servisu hamutuk ho Ministério Agríkultura no Peskas hodi fo apoiu ba peskizadór sira iha sentru peskiza Loes neé, tanba durante neé ajensia ACIAR liu hosi guvernu Australia fo ajudas ba sentru peskiza tolu maka hanesan, Baucau, Betano maibe loron ohin sira vizita deít maka sentru peskiza Loes.
Iha vizita neé peskizador sira aprenzenta rezultadu peskisa neébe mak durante neé sira halaó iha sentru peskiza refere nuneé parseiru sira bele intende didiak atividade peskiza iha Timor-leste.
Diretór neé hatutan, Tinan barak nia laran husi inisiu projetu fini ba moris iha ne’e, agora dadauk sira suporta iha area peskiza ne’ebe maka ita halo liu-liu iha serial ka ai han ne’ebe maka hanesan fehuk, foremungu, sira mos halo kona-ba biochar neébe mai hosi hare kulit neébe maka ita sunu hodi sai adubus atu bele hadia kondisaun rai.
Nia hatutan tan, Ba oin buat atividade hirak neé tenki implementa no kontinua halo peskiza no mos ita habelar ba komunidade hodi bele intende no bele halo tuir tanba buat balun simples los hanesan uza material lokál biochar ne’e ita uja deit’.
Durante neé peskizador sira mos halo peskiza ba komoditi fehuk midar, fehuk mean, fehuk kinor, foremungu no mos forerai, ne’e sira uja adubus biochar nia rezultadu maka kapas loos duni guvernu sei kontinua investe para hodi habelar ba komunidade.
Iha fatin hanesan, Peskizadór , José da Costa hateten, visita neé Aciar ho ekipa sira atu haree rasik projeitu neébe mak sira estabelese iha sentru peskiza iha Timor neé hodi nuneé sira bele iha planu atu bele kontinua ba oin.
Iha sentru peskisa neé mos ami implementa ona atividade Konservasaun Agrikulturan ba iha area natar neduni ami halo ona diskusaun ho autoridade sira atu bele kontinua ba iha rai maran hanesan kuda batar no kuda hare rai maran.
Peskizadór sira durante neé halo peskiza maibe problema neébe maka sira hasoru maka lutu neébe mak haleu sentru neé balun at ona tanba hetan estragus hosi mota Loes wanhira iha tempu udan neduni komoditi sira neébe maka ami kuda neé animal estraga hotu.
