Atabae- (7/6/2023), Ministério Agríkultura e Peskas Parseiru Dezenvolvimentu Australian Centre for International Agriculture Research (ACIAR) halo vizita ba grupu Redi Kamodi sira neébe hakiak nain sira iha Postu Administrativo Atabae Munisipiu Bobonaro.
Iha Diskursu Presidente Autoridade Munisipiu Bobonaro, João do Carmo de Fatima hateten, Timor-Leste heten apoiu desde tempu pasado husi Governu Australia to agora ukun an ba dezenvolvimentu mos Australia nafatin kontinua apoiu ba iha area hot-hotu, infezlimente ba atividade agrikultura nian liu-liu ba grupu benefisiariu sira neébe maka durante neé halaó atividade sira neébe maka hetan tulun husi Governu Australia.
Iha fatin hanesan, Australia’s Commision for International Agriculture Research (ACIAR) Fiona Simson sente kontente tebes tanba ba vizita dereta fatin benifisiariu sira nian, tanba nia mos nuúdar toós nain ida iha Australia hakiak karau, importante atu sai hanesan toós nain mak ita -nia moris lor-loron, tenki tau matan ba animal sira neébe mak ita hakiak.
Objetivu sira mai vizita iha neé atu koalia ho komunidade hakiak nain sira, parseiro sira neébe mak implementa hamutuk ho ita nia governu lokál hodi haree saída maka ita halo iha ita nia rain atu nuneé ba oin ita halo koperasaun diak liu tan iha tempu oin mai.
Nuneé mos Agrikultór hakiak nain, Lucas Angelino informa katak,Objetivu ida ohin ne’e husi parseiru (ACIAR). mai vizita iha ami nia fatin tanba tempu uluk sira nia progarama ACIAR mai konsola ami atu kuda ai lamtoro no hakiak karau, ne’e duni progarama ACIAR neébe hare liu ba redi kamodi ami kontinua nafatin ne’e duni sira hatene sira husik hela mais programa ne’e lao nafatin nune’e sira mai vijita ami.
sira hanesan Grupu mais sira hakiak individual ida-idak tanba buat ida grupu ne’e tuir ami nia hare grupu ne’e ida baruk ten ne’e bele hamate fali ida badinas ne’e tanba ida baruk ten ne’e maka nia protes makas los ne’e duni programa ACIAR mai ho grupu maibe ami kesi karau ida-idak nian depende ba badinas
karau hirak neé ami hakiak durante tinan 5 ona, maibe ami hetan problema tanba sosa karau hanesan ita nian ne’e karau ho isin ki’ik ne’e duni ami atu faan ho tempu naruk, ami prontu prepara aihan ba animal hanesan lamtoro ka ai kafe iha ami nia toós, dadaun neé hakiak nain balun prepara hela ai lamtoro toós rua no balun tolu.
