Viqueque- (10/05/2023), Ministério Agrikultura e Peskas (MAP) liu husi Diresaun Jerál Agrikultura e Hortikultura lansa Kuda Hare vareiedade Nakroma iha Demo Area ektares 160 ne'ebe utiliza adubus organiku poc nasa super nasa no harmonik ba primeiro epoka iha irigasaun Bebui postu Administrativo Uatolari Munisipiu Viqueque.

Iha entrevista Diretora Jeral Agrikultur e Hortikultura, Maria Odete do Céu Guterres esplika, atividade ne’e atu motiva agrikultór sira atu kuda hare barak liu tan, tanba uza adubus poc nasa super nasa no harmonik nia funsaun bele hasa’e produtividade hare no mos bele konserva nia rai.

Nia hatutan, adubus hirak ne'e iha fatin barak mak aplika ona no produsaun kada ektare  sae to’o 6 toneladas, alende ne'e nia konserva fertilidades tolu, adubus oin tolu ne'e aplika ba iha irigasaun sia hahu husi 40 ektares durante tinan ha’at ona atinje ona 160 ektares no ohin loron lansa tan iha fatin ida ne'e.

Iha fatin hanesan Diretór Servisu Agrikultura Manisipiu Viqueque Fernanado Joaquim iha nia diskursu hateten, irigasaun Bebui ne'ebe mak uza iha pontensia to’o 160 ektares maibe iha mos obstaklu ne'ebe mak agrikultór sira hasoru maka irigasaun, tanba ne’e presiza tebes atu servisu hamutuk nafatin, atu nune'e bele minimiza preokupasaun sira ne'ebe mak agrikultór sira hasoru liu-liu irigasaun.

Inan Aman agrikultór no asosiasaun sira atu utiliza bee ho didiak  nun'e bele hasae ita- nia produtividade agrikola, tanba uluk ita- nia nia bee diak maibe agora irigasaun funsiona la dun diak, Iha tempo badak sei buka meios oinsa atu reativu fali ita -nia kanal irigasaun sira ne'e atu nune'e servisu sira ne'e bele lao ho diak fila fali.katak Fernando

Nune'e mos xefe Suku Afloikai Constantinho Guturres informa, iha Uatulari kuaze fatin sira ne'ebe mak uza ba natar ho toos risku hotu, tanba agrikultór sira iha vontade atu halo natar maibe bee laiha neduni  husu ba parte MAP atu tau atensaun ba natar no  toos sira iha Uatulari.(Ebby)