Dili- Timor Leste liu husi Ministério Agríkultura e Pescas (MAP) iha tinan ne’e sei lidera Coral Triangle Initiative On Coral Reefs, Fisheries And Food (CTI-CFF), programa ne’e Timor leste servisu hamutuk ho Nasaun ne’en (6) hanesan Indonésia Malaysia, Papua New Guinea, Philippines, Solomon Island no Timor Leste. Programa ne’e sei haree liu ba iha rikusoin iha tasi laran.
Relasiona ho assunto ne’e Diretór Ezekutivu CTI Kushairi Owsi halo enkontru ho Ministro Agrikultura e Pescas (MAP) Pedro dos Reis hodi kongratula servisu MAP nian ne’ebe maka sei lidera programa ne’e ba tinan rua nia laran. Enkontru ne’e hala’o iha loron Tersa (21/03/23) iha Iha Gabinete Ministro MAP Comoro.
Tuir Ministro MAP Pedro dos iha entrevista hateten katak, objetivu husi enkontru ne’e MAP halo diskusaun hamutuk ho diretór Ezekutivu CTI, tanba tinan ida ne’e Timor-leste sei lidera atividade CTI no CFF nian. Nasaun Ne’en ne’e maka hanesan Malasya, Filipina, Papua New Guinea, Indonésia, Solomon Island no Timor Leste.
Nia esplika,programa ne’e hare liu ba rikusoin iha tasi laran, konservasaun tasi liu-liu biodiversidade tasi nian. Atividade ne’e antes ne’e lao tiha ona maibe Nasaun seluk maka lidera maibe tinan ida ne’e MAP maka lidera.
Iha fatin hanesan, Diretór Ezekutivu CTI Kushairi Owsi akresenta katak, objetivu mai iha ne’e maka atu kongratula ba lidera foun ba iha CTI ninian, Indonésia mos hola parte iha Nasaun ne’en ne’ebe membru husi CTI nian, no tinan- tinan ita mos tau Quota ne’ebe mak hanesan kada Nasaun ida tuir nia GDP no Indonésia mos sai hanesan membru ba CTI. CTI nia vizaun ne’e laos haree de’it ba iha Coral ou ahu ruin maibe sira foka mos ba iha seguransa alimentar ne’ebe mak espesifikamente haree liu ba iha konsumu ikan nian iha Timor Leste, atu bele kontribui no bele dezenvolve iha ita nia seitór Pescas hodi nune’e seitór pescas bele responde ba iha Nesesidade konsumu Timor oan nian.
Iha biabn ne’e mos halo parte rua halo diskusaun kona-ba vaga balun ne’ebe maka sei mamuk koko atu enkaixa Timor oan sira ne’ebe maka bele envolve iha laran. Iha kriteria lubuk ida maka presiza prense wainhira liu iha vaga ne’e, kriteria sira maka hanesan tenki hatene Inglés diak, tenki lidera finansas diak, esperiensia servisu tenki liu tinan sanulu be leten, tenki mastradu depois sei submete ba iha Diretór ezekutivu hafoin halo avaliasaun, espera katak Timor oan balun sei bele hola parte iha atividade ne’e. (Tyfa)
