Profesor Husi Eskola TecVok Tolu Tuir Formasaun Durante Loron Ha’at

Estrela inativaEstrela inativaEstrela inativaEstrela inativaEstrela inativa
 

Fotografia/Eby Magno/Informasaun-MAP

Dili- Professor Husi Eskola Tekniku Vocasional Tolu hanesan ETA Natarbora, ETA Fuiloro no mos ETA Moleana tuir formasaun konaba Pedalogia no Metodologia husi Formador sira husi INFORDEPE durante loron ha’at, hahu iha loron Tersa 20-23 iha Salalun MAP Comoro.

Iha entrevista Diretór Jerál Cooperasaun Dezenvolvimentu e Institucionál César José da Cruz esplika katak, objetivu lolos ba treinamentu ida ne’e maka  oinsa Ministério Educasaun Juventude no Desportu servisu hamutuk ho MAP atu hetan formasaun konaba pedagojia, ita koalia konaba pedagojia tanba sa? Tanba eskola Teknika Agrikola mos hanorin labarik sira liu-liu iha eskola Secundária.

“Tanba ne’e maka profesor sira husi Eskola Teknika Agríkultura ninian ne’ebe mos ita tau ba kategoria hanesan mos eskola Secundária tinan tinan ita fo formasaun ba profesor sira liu-liu hodi hare konaba skill ou abilidade profesor sira nian hodi hanorin Estudante sira. Estudante sira laos aprende de’it  buat ne’ebe maka Agíkultura ninian maibe tenki hatene buat barak, liu-liu karakter labarik ninian no oinsa atu muda ema nia karakter.” Tenik DG César

Nia akresenta, felizmente Eskola teknika Agríkola ita nia estudante sira ne’e hela iha dormitorio ou Asrama entaun intarasaun entre Estudante no Profesor ne’e barak liu kompara ho estudante hirak ne’ebe maka hela iha uma, tanba ne’e maka Siensia Padagojika ne’ebe maka ita iha atu bele hanorin ba ita nia Estudante sira liu-liu oinsa maka sira nia karakter ne’e atu bele aprende diak liu tan, liu-liu iha area agríkultura ita hala’o pratika sira ne’ebe maka diak

Fotografia/Eby Magno/Informasaun-MAP

Iha fatin hanesan Diretór Nasionál Formasaun Profesional Continua INFORDEPE Longuinhos da Silva hatutan katak, atividade formasaun ba profesores Tecniku Vocasional husi Fuiluro Munisipio Lautém, Natarbora Munsisipio Manatuto no Moleana husi Munisipio Bobonaro. Profesor hamutuk nain sanulu resin walu (18) ne’ebe maka sei partisipa iha formasaun ida ne’e. Konteúdu ba formasaun ida ne’e konaba metodolojia do ensinu.

Nia esplika, formasaun ida ne’e ho ninia objetivu atu aprofunda konñesementu oinsa profesor sira transmite matenek transmite teoria ba estudante sira, atu nune’e estudante hirak ne’e bele aproveita ho didiak, tanba konñesimentu hirak ne’ebe maka profesor sira sei transmite ne’e ho maneira ne’ebe maka diak no estudante sira mos sei aproveita mos ho diak. Tanba konñesimentu sira ne’e hanesan poder ou kbi’it ida ne’ebe hodi transforma ema nia vida moris.

“Importante vida moris iha Agríkultura ninian, entaun ita hare katak iha loron ha’at ba formasaun ne’e ohin mos ita hatete ona katak profesor sira tenki utiliza ho didiak, tanba konñesementu ba tekniku de transmite, transmite Siensia ne’e konñesementu sira ne’e sempre atualiza ou hafoun  laos konñesementu tekniku ida ne’e maka ita aprende iha tinan 1930 1940 ou 1975 laos ida ne’e nafatin nafatin de’it lae, ita nia teknika transmite konñesementu ne’e sempre hafoun nafatin tuir Sientista sira ne’ebe halo peskiza barak kada tinan no rezultadu husi peskiza sira hakerek sira nia teoria no livru, depois teoria hirak ne’e sira halo sai livru ona sira ba tau iha Biblioteka sira ba fahe tuir eskola sira iha Munisipio no iha parte edukasaun mestri ou matenek nain sira utiliza hodi transmite konñesementu ba estudante sira.” Katak Longuinhos

Nune’e mos Adjunto Diretór ETA Natarbora Alarico Moniz  iha nia esperansa katak, hanesan Autoridade da Eskola iha esperansa bo’ot katak husi formasaun ida ne’e bele eleva ona sira nia profesor sira nia konñesementu importante liu oinsa maka bele halo planu de aula ida ne’ebe maka diak, hodi nune’e bele hanorin estudante sira ho diak.

Nia informa, agora iha kurikulu ida hanaran modular ne’ebe ita implementa husi Edukasaun nian. Iha buat barak ne’ebe maka la dun korresponde ho situasaun real iha Timor ninian hodi transforma ba Estudante sira maibe buat sira ne’e iha planu ona hamutuk ho sira Dirasaun Nasionál Tekniku Agricola. (Tyfa)

 

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login