Estudante Finalista 82 gradua hosi Eskola Tekniku Agrikola Natarbora

Estrela inativaEstrela inativaEstrela inativaEstrela inativaEstrela inativa
 

 

Fotografia/Eby Magno/Informasaun-MAP

Natarbora- Tinan ida ne’e estudante finalista hamutuk 82  gradua hosi Eskola Tekniku Agrikola Natarbora hodi kontinua  ba Universitariu. Serimonia graduasaun ne’e hala’o iha salaun ETA Natarbora loron tersa(13/12) iha salaun ETA Natabora Munisípiu Manatuto.

Diretór Jerál Cooperasaun Dezenvolvimentu Institusional nu’udar Reprejentante Ministru MAP iha nia deskuru hateten katak, lori Ministériu Agrikultura nia naran hato’o agradese boot ba komponente hotu ne’ebe mak durante hala’o kna’ar iha ETA durante ne’e  tanba  Inportate tebes liu hosi gradua atu hetan fali dezafius boot iha imi nia moris

Ministériu Agríkultura e Peskas mós sei fó nafatin kapasitasaun no treinamentu  ba mestri ou mestra sira tuir area ne’ebé mak sira presija nomos sei halo rehabilitasaun ba ETA Natarbora atu bele fó fatin ne’ebe maka diak ba estudante foun nomos mestri sira hodi hala’o prosesu aprendizajen

MAP iha nia politika maka oinsa  hasa’e produsaun, produtividade no denzevolve rekurus umanu iha teknolojia agrikultura tanba mundo presija teknikus agrikultura hanesan ita boot sira  tanba sekundu  ita tama on aba ASEAN  entaun ita tama iha merkadu livre ne’e ita sei compete maka’as iha area produsaun nian  tanba ida ne’e nasaun ne’e presija ita boot sira nia forsa atu produz produtu  agrikola sira

Tanba iha tinan ida ne’e fos  rai iha tinan ida ne’e  foin mak  atinji 85 mill toneladas populasaun iha Timor –leste han fós maka’as liu tanba ne’e ita presija fos 130 mill toneladas kada tinan tanba ne’e kompañia sira ne’ebe mak hatama fos inportasaun ne’e hodi halo balansu ba fos rai iha ita –nia nasaun tanba ne’e mak ita presija estudante finalist sira ne’ebe mak ohin gradua ne’e barak maka ba kontinua estudu maibe barak mós  tenki hare liu ba area agrikultura nian

Fotografia/Eby Magno/Informasaun-MAP

Iha fatin hanesan, Diretór Eskola Tekniku Agrikola Natarbora Americo Pereira da Cruz  fó parabens ba estudante finialista sira tanba durante tinan tolu halo sira nia estudu iha eskola ne’e hetan dezafius oin-oin maibe finál hetan gradua duni e liu hosi ida ne’e ita bele avalia no sukat mestri no mestra  sira -nia prestasaun durante ne’e tanba liu hosi prosesu ida ne’ebe maka naruk estudante sira ohin loron finaliza ona sira nia estudu no hetan  primeiru klafikasaun ho valór ne’ebe maka boot 53

Nia mós husu ba estudante finalista  sira atu agaradese ba mestri sira tanba esforsu mestri sira nian durante tinan tolu hamutuk iha ETA Natarbora, durante ne’e mestri no mestra sira akompaiña  liu hosi prosesu aprendizajen nomos pratika treinu ho estudante atus ida rua nulu no ohin loron estudante 82  maka konsege remata sira nia estudu katak estudante ne’e mak aguenta sistuasaun ho kodigu Lima wualu tolu (583)  katak Dadersan tuku lima hahu halo servisu iha  terenu no tuku walu dader tama aula hodi tuir material siensia  ikus mai tulu lokraik kontinua pratika iha terenu

Graduasaun katak remata prosesu apredinzajen iha eskola ida ne’e maibe la remata prosesu apredinzajen iha futuru ne’ebe diak liu tan

Alende ne’e, Estudante finalista Febriana Maya Dos Santos hosi Munisípiu Bobonaro ne’ebe maka durante ne’e kontinua estudu iha ETA Natarbora senti kontenti no agradese tanba durante ne’e  sir abele aprende  esperiensia barak iha area agrikultura, pekuaria no peskas liu hosi sira nia atividade loron-loron nian

Nune’e mós estudante finalista primeiru klasifiaksaun iha ETA, Faldimar Oliveira Moruk senti kontenti tebes maibe agradese mos ba mestri no mestra sira iha ne’e tanba durante prosesu tomak sira akompaiña  ha’u to’o ohin loron ha’u bele hetan  primeiru klasifikasaun ho valór ne’ebe maka boot, maske hetan valór ne’ebe maka boot maibe hau nafatin hodi esforsu atu kontinua ba nivél altu tanba susesu laos ba ema ne’ebe mak matenek maibe susesu ba ema ne’ebe maka hatene esforsu

Iha serimonia graduasaun ne’e  partisipa masimu hosi familia graduadu sira, Padre ho  madres sira, Diretór Edukasaun Munisípiu Manatuto, Diretór Nasionál Tekniku Agrikola nomos funsionariu MAP. E"S

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login