UNTL Despedida Ho MAP Hafoin Remata Sira Nia Estajiu

Estrela inativaEstrela inativaEstrela inativaEstrela inativaEstrela inativa
 

Fotografia/Rozer/Informasaun-MAP

Dili-Universidade Nasionál Timor Loro Sa’e (UNTL) halo despedida ho Ministério Agríkultura e Pescas (MAP) hafoin remata sira nia estajiu iha Dirasaun Jeral Pecuaria e Veterinaria durante fulan tolu (3). Seremonia despedida ne’e hala’o iha loron kinta (17/11/22) iha salaun MAP Comoro    

Iha entrevista Diretór Nasioanál Recursu Humano Pedro Barreto esplika katak, Atividade ida ne’e rutin ona. Tinan-tinan Estudante UNTL sempre halo peskiza ou estajio iha ne’e espesial liu ba iha Departamentu Animal nian. uluk sira mai to (100) pessoas nune’e, maibe tinan ida ne’e sira (51) pessoas de’it maka mai. Sira mos mai atu apresia sira nia sensia no liu husi peskiza ida ne’e atu sira bele hakerek mos iha sira nia teze ruma atu bele prepara an ba iha Ezame.

Nia mos hato’o hela lia ba estudante hirak ne’e katak, hanesan joven iha Nasaun ida ne’e sira maka sei sai futuru Nasaun nian, tanba ne’e presiza estuda halo didiak hodi dezenvolve ita nia rai ida ne’e

Iha fatin hanesan Médiku Veterinaria Dirasaun Jeral  Pecuaria e Veterinaria Frederico Amaral akresenta katak, Dirasaun Nasional Veternaria iha Departamentu Controlo Medicamentos liliu iha Clinica. Tanba ne’e Estudante sira mai estajiu iha ne’e sira fo formasaun ba sira bazea ba lisaun ne’eba maka sira aprende iha Universidade

“sira aprende maka teoria de’it mai iha ne’e dalabarak hau husu maka sira dehan pratika laiha entaun mai iha ne’e oinsa atu uja aimoruk ba animal oinsa maka bele tratamentu ba animal ho diak ladaruma animal balun siak dalaruma animal balun tata sira, sira ladun hatene maneza animal ne’ebe maka mai ho siak tan ne’e ami iha pasiente oin-oin.  Hau sempre hanorin sira fo tratamentu ho diak kuidadu sira nia an labele hetan risku tanba pasiente sira ne’e mai ho oin-oinde’it, tanba ne’e ita tauk risku boot ba sira nia vida.”Tenik Frederico

Fotografia/Rozer/Informasaun-MAP

Nia informa, liliu ba Estudante feto sira tauk atu kaer pasente hirak ne’e, entaun atu halo tratamentu moos araska, tanba iha eskola sira aprende buat barak aimoruk lisaun manazementu ba animal sira, ami nia pasente lolos maka animal hotu-hotu. sira iha Universidade ne’eba teoria deit entaun sira atu pretika tenki liu mai iha Dirasaun Nasionál Veternaria tanba ne’e maka kada tinan sira sempre mai iha ne’e barak liu maka preokupa ho aimoruk, maibe atu uza aimorok sira ne’e la hatene Dirasaun Nasionál liu husi Veternaria sempre fo hanorin sira oinsa atu uza aimoruk ne’e tuir nia dalan.

 Nune’e mos Estajiadu Silvestre Amaral Neves hateten katak, sira nia estajiu ne’e Fulan rua sira halo iha Allas Munispio Manufahi, sira halo rotasaun kona ba produsaun hirak ne’ebe maka iha, no mos tratamentu vasinasaun iha fatin refere iha ne’eba prosesu hala’o  iha produsaun animal nia iha luhan iha bibi karau fahi no manu.

Nia informa, iha karau nian iha ne’eba ne’e atu habokur karau ne’e oinsa ho prosesu karau nia lalaok ne’e oinsa ba iha ne’eba, sira aprende hotu no bibi nian oinsa prosesu habokur karau ne’e hanesan, e depois bibi sira habokur ne’e sei distribu fali ba komunidade sira bele aumenta fini halo barak liu tan nomos ba iha fahi rotasaun husi fahi nia sira la bele hetan tratamentu ou vasinasaun   tanba iha ne’eba iha seguransa ne’ebe ema ida ne’ebe sirvisu kona ba ida ne’e ninia maka bele atende kona ba fahi. Diak hanesan saude animal ne’e ita bele dehan preodidade tanba aban bainru ema presija ita bele hari ita nia kampu mesak ida moos hanesan ita bele kria ita nia Clinic ba animal nian. (Rozer Lopes)

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login