MAP-CALIP Distribui Motorizada 46 ba Extensionista Sira

Estrela inativaEstrela inativaEstrela inativaEstrela inativaEstrela inativa
 

Fotografia/Canisio/Informasaun-MAP

 

Dili-Ministério Agríkultura e Peskas (MAP) liu Projeto Coffee  and Agroforestry Livelihood Improvement Project (CALIP) distribui Motorizada unidade 46 ba Extensionista suku alvu sira iha Munispiu ne’en (6) hanesan Aileu, Ainaro, Munufahi, Bobonaro, Ermera no Liquiça, hodi hala’o sira nia Atividade. Motorizada hirak ne’e entrega Diretamente husi Ministro MAP Pedro dos Reis iha loron segunda 14/11/2022 iha salaun MAP Comoro.

Iha intervista Diretór Jeral Interino Café e Plantas Industriais Mario Godinho esplika katak, Projeto CALIP ida ne’e hetan suporta orsanmentu husi Guverno Japaun ba iha MAP atu halo rehabilitasaun Café, liu husi projeto CALIP. Atividade ne’e sei hala’o iha Munisipiu (6) mak hanesan Aileu, Ainaro, Munufahi, Bobonaro, Ermera no Liquiça.

“Tanba ne’e ohin (rad) Segunda MAP liu husi projeto CALIP ne’e rasik fo apoiu tan Motorizada hamutuk 46 ba ita nia Extensionista sira hamutuk ha’atnulu (40) ba iha Grupu walunulu (80)  nu’udar alvu ho nia Membru kuaze iha 2000 atu implementa Projeto ne’e ho ita nia komunidade sira, ho objetivo  tolu maka hanesan atu hasae kualidade Café no mos bele estabelese sistema agrofloresta iha tereino no mos atu hasae kuantidade Café iha Merkadu. Motorizada iha (46) (40) ba iha Extensionista sira no ne’en (6) sei entrega mos ba iha official Café nia iha Munisipio.” Tenik Mario Godinho

Nia hatutan, konaba ba manutensaun no Mina Combustivel  ne’e cobre hotu hosi projeto ne’e rasik, depois hosi projeto ne’e maka fulan-fulan cobre  Mina Combustivel ho Manutensaun nune’e mos sira sei simu marpon/Tablet ida atu nune’e bele halo komunikasaun diak mai projeck maneger unit no mos ba komunidade. Projeto ne’e iha nia durasaun tinan3 to 2024 foin remata

Fotografia/Canisio/Informasaun-MAP

Iha fatin hanesan Project Maneger CALIP Lorenço Fontes hateten,ohin (rad) Segunda ita husu Ministro MAP nia protidaun atu hala lansamentu Offcial  ba motorizada hamutuk (46) ne’ebe maka sosa husi projeto CALIP ba estensionista hamutuk 40 no ba official Café nain ne’en (6)  tanba ne’e maka ita fo Motorizada sira ne’e atu fasilita sira hodi bele fo apoiu diak liu tan ba iha implementasaun ba projeto CALIP iha kampu.

Nia mos hato’o nia Lia-menon ba Extensionista sira katak, simu ona motorizada hirak ne’e atu fasilita imi nia servisu no  kuidadu  ho diak atu nune’e motorizada sira ne’e bele apoiu imi nia servisu iha kampu ho nune’e servisu bele hetan rezultadu ne’ebe mak diak.

Nune’e mos Extensionista Munispiu Manufahi Oscar da Costa Fernandes akresenta katak, primeiro mak ita mai iha ne’e atu hetan apoiu ne’ebe suporta hosi Programa CALIP ne’ebe mak servisu hamutuk ho MAP no mos Servisu hamutuk ho ita nia Guvernu Timor-Leste ne’ebe mak fo apoiu mai Extensionista kampu hodi halo servisu no kana’ar ne’ebe maka iha ho diak,  liu-lui bele hasae produsaun ba iha Café.

Nia informa katak, Ba iha Munisipiu Manufahi hetan Motorizada 5 ba iha Suku 4 ne’ebe maka iha Grupu 8 ema Agricutór iha (200)  tuir programa ne’ebe mak asina akordu ho ita nia Ministerio Agricultura e Peskas iha ne’e se fasilita hosi programa calip durasaun tinan (3) ne’e  depende ba sira nia projeto. (Rozer Lopes)

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login