MAP KOILLETA HARÉ EKTARES 275 IHA ATABAE

Estrela inativaEstrela inativaEstrela inativaEstrela inativaEstrela inativa
 

Fotografia/Rozer Lopes/INFO-MAP

Atabae-Ministériu Agríkultura no Peskas (MAP) liu hosi Diresaun Jéral Agrikultura, kolleta haré Nakroma  hamutuk  ektares 275 ho  rezultadu estimasaun (Crop-Cuting) 7.6 tonelada kada ektares ne’ebé mak  utiliza Pratika Agrikultura di’ak (PAD) ba segunda epoka ho objetivu kontinua hasa’e Produtividade iha Aldea Tasimea, Suco Aidabaleten Postu Administrativu Atabae  Munisípiu Bobonaro,  iha loron Sesta, 30 Setembru tinan 2022.

Iha intervista Diretóra Jéral Agrikultura, Maria Odete do Céu Guterres hatete koilleta hare ne’e ba segunda epoka. Ba area koilleta fatin ida ne’e hetan bee husi intek Loes ho nia potensialidade ba natar, ektares 380 maibé to’o agora ita foin halai de’it ektares 275.

Tanba ne’e area ida ne’e ita nia agrikultóres sira iha tebes boa vontade atu halai natar mesmu hasoru problemas.

 “Agrikultór sira nia vontade boot tebes, tinan-tinan sira sempre halai natar, kuandu intek att oituan sira nain hadia maibé att boot liu governu lori kedan eskavadór mai halo kanaliza bee sira ne’e para sira bele asesu bee hodi halai sira nia natar”, Dehan Maria Odete

Tuir Odete, tinan ida ne’e ita foin mak aplika de’it pratika agrikultura di’ak (PAD) maibé sira nia produtividade ne’e tuir crop-Cuting ne’ebe hala’o husi kolega Estensionista sira halo estimasasun nia produtividade ne’e sa’e ba iha 7,6 tonelada kada ektares, ne’e ita boot sira imagina se ita aplika tan ho adubus Poc Nassa siknifika nia produtividade ne’e sei sa’e liu tan.

Fotografia/Rozer Lopes/INFO-MAP

Odete hatutan, governu motiva ita nia agrikultór sira tanba governu garantia liu ba merkadu liu hosi ne’ebé liu hosi Sesta Basica no mós liu hosi programa merendar escolar no mós ita halo link ida entre MAP, MAE no Ministeriu Edukasaun para oinsa mak maka produtu sira hosi ne’e bele faan atu atende mós ba programa merendar escolar.

Nune’e mós Embaixadór Brazil iha Timor-Leste, Mauricio Medeiros de Assis hatete Seitór agrikultura setór ida ne’ebé importante tanba haree ba ita nia servisu hamutuk ita nia kooperasaun di’ak Brazil ho governu Timor-Leste intermus hasa’e ita nia koñesementu ne'ebé servisu barak oinsa hasa’e produtividad kulker produtu agrikulas ida ne’e ajuda tebes Timor-Leste iha setór ekonomiku.

Alende ne’e Diretór Servisu Agrikultura Munisipíu Bobonaro,  Alberto Gomes Lopes, seremonia koilleta hare ne’e bele motiva natar nain sira di’ak liu tan no espiritu servisu atu bele dezenvolve liu tan.

Nia salienta, kompara ho tinan ne’e ita iha mudansa ida ne’e bele motiva di’ak liu agrikultór sira bele serbisu di’ak liu no produsaun bele aumenta di’ak liu tan, tinan ida ne’e rezultadu ne’ebe ita nia natar nain produs ne’ebe difenre ho tinan kotuk ne’e hatudu katak to’os nain ho tekniku estensionista sira esforsu halo mudansa ba rezultadu produsaun tanba tinan ida ne’e iha mudansa.

Iha sorin seluk, xefe grupu Bernandino de Limas hateten, sente orgulhu no apresia tebes tanba Ministru MAP ho nia ekipa hodi koilleta haré ne’ebé mak produs ba fini komersial.

“Nu’udar agrikultóres nafatin esforsu an ba oin sei organiza di’ak liu tan inklui sira ne’ebé iha grupu fini komersial nian nune’e ba tinan oin bele hasa’e produsaun di’ak liu tan”, dehan to’os nain ne’e

Serimónia koilleta haré ne’e hetan Partisipasaun maximu hosi  Ministru MAP, Embaixadór Brazil iha Timor-Leste, Diretóra Jerál Agríkultura, Maria Odete do Céu Guterres, Diretór Servisu Agrikultura Munisipíu Bobonaro, Presidente Anaporfiku, Reprezentante Administrador Postu Atabae, Autoridade lokál no hetan seguransa Maximu hosi PNTL Munisípíu. (Rozer Lopes)

VISITA IHA KANAL YOUTUBE (MAP-NEWS)

https://www.youtube.com/watch?v=niMtzFXA1os&t=7s

 

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login