MAP Lansa Servisu TOMAK Nian ba Faze II

Estrela inativaEstrela inativaEstrela inativaEstrela inativaEstrela inativa
 

Fotografia/Rommy/INFO-MAP

Dili-Ministériu Agríkultura e Pescas (MAP) halo Lansamentu ba servisu Programa Ajensia To’os ba Moris Di’ak (TOMAK) nian ba faze daruak ne’ebé sei implementa iha Munisípiu tolu (3) hanesan, Bobonaro Viqueque no mós Baucau. Atividade lansamentu Daruak ne’e hala’o iha loron Kinta Feira, (22/09/22) iha Salaun City8 Manleuna.

Tuir Vise Ministro MAP Abilio Xavier Araújo esplika, MAP halo lansamentu daruak ba servisu Ajensia TOMAK nian ba faze II, ho lansamentu ida ne’e atu bele iha kontinidade servisu programa TOMAK nian iha Munsípiu tolu ne’ebé mak mensiona ona.

“hamutuk ho ita nia parseiru sira sempre mai ho makenizmu no estratejia ho siensia ne’ebé mak sira iha, ita bele haree mós iha aprezentasaun hosi tekniku sira hatudu rezultadu sira ne’ebé mak iha dezenvolve tebes durante ne’e hosi Ajensia TOMAK hamutuk ho ita nia komunidade sira kooperasaun servisu ne’ebé mak hamutuk ho MAP iha mudansa liu-liu iha produsaun iha kualidade no mós kuantidade di’ak tebes ho servisu Ajensia TOMAK nian”, Dehan Vise Ministru MAP Abilio

Nia akresenta, Komitmentu Governu nian maka atu bele hamutuk nafatin ho ita nia parseiru dezenvolvimentu sira liu-liu embaxador Austrália atu bele kontinua servisu ne’ebe maka apoiu husi Austrália liu husi ajensia TOMAK atu bele dezenvolve servisu ida ne’e bele lao ho diak iha munisipio ne’ebe maka ohin mensiona ona, atu bele hasa’e ekonomia no mos hasa’e ita nia kuantidade no qualidade ita nia produsaun aihan iha baze no mos ba povu iha Nasaun Timor Leste.

Fotografia/Rommy/INFO-MAP

Iha fatin hanesan Embaxadora Austrália Suzy Wilson hatutan, ohin ita halo lansamentu daruak ba projeitu TOMAK nian, projeitu ne’e atu apoiu to’os nain atu bele produs modo no sasan ne’ebé mak ho kualidade a’as atu apoiu nutrisaun iha komunidade.

Tanba ne’e hamutuk ho programa ne’e iha mós programa Edukasaun atu hasa’e koonprensaun iha komunidade atu valoriza nutrisaun iha aihan.

 “importante tebes inan fo aihan ba oan sira iha nivel nutrisaun atu bele habo’ot no haforte familia, familia forte Nasaun forte, importante hetan nutrisaun no edukasaun atu hasa’e komunidade forte iha Timor Leste halo progresu iha futuru”, Tenik Embaxadora Austrália Suzy Wilson

Embaxadora Austrália ne’e hatutan, sistema ne’ebé programa TOMAK uza mak Sistema integrasaun ba sientifika atu uza Sistema tradisional atu hasa’e kona-ba kooprensaun kona-ba toos nain atu uza adubu hodi bele hasa’e nutrisaun iha rai, bainhira rai iha solidu modo sei buras liu tan importante uza kimiku natural atu apoiu solidu rai.

Alende ne’e Tomak M’os hahu ona halo sosializasaun nasional ba entidade hotu no parseiru servisu hotu hodi bele hatene lalaok no Servisu Tomak nian durante ne’e. (Tyfa)

VISITA IHA KANAL YOUTUBE (MAP-NEWS)

https://www.youtube.com/watch?v=Z8OLiWJEDR0

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login