Liquiça-Gabinete de Inspecção Auditoria, Monitorização e Avaliação (GIAMA) Aprezenta Resultadu Servisu tinan 2020-2022 no Planu Servisu ba tinan 2023. Objetivu workshop ida ne’e atu aprezenta no desamina kona-bá servisu GIAMA nian ba Diresaun Jerál no Diresaun Nasionál sira iha Ministériu Agrikultura e Peskas (MAP). Atividade ne’e hala’o iha loron segunda (13/9/22) iha Uma Kultura Maubara, Suku Vatu Vou Postu Administravu Maubara.
Vise Ministru MAP Abilio Xavier de Araujo ba ekipa Informasaun katak, Servisu barak ne’ebe durante ne’e GIAMA Avalia hodi aprezenta resultadu iha buat balun ne’ebé Ministériu liliu Diresaun Jerál sira tenki Maksimiza Servisu, maksimiza servisu iha ezekusaun, alende ezekusaun iha mós servisu balun tenki asegura nia kualidade.
“Ha’u preokupa liu parte komunikasaun entre parte hotu-hotu tenki di’ak efetivu para ita haree interese nasiónal ba iha ministériu para atu servisu ba ita nia rai ho ita nia povo savi ne’e mak komunikasaun”, Tenik Vise Ministru MAP Abilio Xavier
Iha biban hanesan Inspector Jerál MAP, Octávio da C. M. de Almeida esplika, aprezentasaun ne’e kona-bá servisu GIAMA ba diresaun Jerál no diresaun nasionál iha Ministériu Agrikultura e Peskas nian atu bele intende servisu GIAMA nian liliu ba area inspesaun no auditória nune’e diresaun hotu bele koopera servisu hamutuk hodi atinje metas ministériu nian.
“servisu Gabinete de inspecção Auditoria, Monitorização e Avaliação (GIAMA) nian iha buat rua mak halo inspesaun no auditoriu”, Tenik Octávio
Octávio dehan, iha estrutura ne’e iha Inspetor Jerál no Sub Inspector iha Departementu ba inspesaun e auditoria no Departementu Administrasaun e Avaliasaun, kna’ar Gabinete nian ba halo inspesaun regular no mós halo auditória.
Neduni inspesaun regular ba iha Munisípiu sira ne’e atu halo akompañamentu atu haree implementasaun sira iha munisípiu ne’e la’o tuir regras ka prosedimentu no mós proposal ou ezekusaun orsamentu sira ne’ebé ezekuta, hafoin GIAMA bele halo relatóriu no dokumentasaun.
Alende ne’e lakunas balu ne’ebé iha ita buka solusaun hamutuk para resolve tanba problema la’os gabinete nian de’it maibé ministériu nian hotu. tanba ne’e ho rekomendasaun hosi membru governu nian ita kontinua halo komunikasaun entre Diretores, Implementór sira para bele hadia iha nivel Ministériu no nivel Munisípiu.
“Planu ba tinan 2023 mak GIAMA iha servisu importante rua ne’ebé kontinua halo mak inspesaun no audit nafatin.Tuir planu ne’ebé iha mak sei halo Audit ba Diresaun importante balu hanesan aprovezionamentu no mós iha ezekusaun orsamentu iha diresaun nasiónal sira”, Dehan Octavio
Iha atividade aprezentasaun ne’e hetan Partisipasaun Maximu ho Vise Ministru MAP ne’ebé Reprezenta Ministru MAP, Abilio Xaviel de Araujo akompaña hosi Sekretariu Estadu Peskas, Diretores Jeral no Diretór Nasionál, Diretór Munisípiu no Kargu Xefia Sira (Fina).
VISITA IHA KANAL YOUTUBE (MAP-NEWS)
https://www.youtube.com/watch?v=Qo97VIzeIOg
