Dili-Ministério Agríkultura e Peskas (MAP) liu hosi Diresaun Jerál Peskas Aquikultura e Rekursus Marinhos hala’o enkontru ho ajensia Blue ventures hodi haré ba servisu ajensia nian ne’ebe durante hala’o ona iha Ataúro no Manatutu iha area tasi nian, enkontru ne’e hala’o iha loron Quarta (25/08/22) iha Salaun MAP Comoro.
Tuir DG DJPARM, Acacio Guterres hateten katak, Ohin (rad) Kuarta Dirasaun Jerál Peskas servisu hamutuk ho ajensia Blue ventures hala’o enkontru hodi haré ba servisu ajensia ne’e nian ne’ebe maka liga ba iha konservasaun area protejida mariña ninian. Objetivu prinsipal maka atu partilla informasaun ne’ebe mak ajensia Blue ventures sira halo tiha ona iha munisípiu rua mak h hanesan Ataúro no mós Manatutu atu nune’e hotu hotu bele apar ho atividade saída maka sira halo, atu nune’e labele iha duplikasaun ba implementasaun aktividade ba iha futuru.
“Tanba ida ne’e maka sira mai halo aprejentasaun atu ita bele hare nune mos ita bele rona sira nia difikuldade ne’ebe sira infrenta iha kampo, atu ita bele fo solusaun ba iha probelema ida ne’e. intrevensaun ohin aprezentasaun primeiru ne’e liga ba sira nia atividade ne’ebe iha Ataúru oinsa maka bele halo observasaun ba lanmentatasaun oinsa maka buka alternativu moris ba iha komunidade sira ne’ebe iha area costeiro, ida ne’e maka sira aprezenta iha enkontru ida ne’e.” tenik Acacio
Nia esplika, atividade ne’ebe sira halo maka hanesan oinsa halo konservasaun ba iha area costeiro liu liu liga ba iha area tasi no mos vida moris komunidade sira ne’ebe maka implementa. Nia progresu diak, iha Ataúro sira fó apoiu ba komunidade sira oinsa maka sira bele rai osan no mos oinsa maka bele fó imprestimo no sei haré fila fali ba iha fatin seluk, ba oin sei haré oinsa bele buka alternativu moris komunidade sira nian liga liu ba peskadór sira ne’ebe maka iha.
Iha fatin hanesan, Head Of Operations Blue Ventures, Oldegar Massinga Soares akresenta katak, ajensia Blue Ventures exizte iha Timor tinan 5 ba 6 ona, fofoun servisu iha Ataúro servisu barak maka iha ligasaun ho MAP. Iha tinan hirak ne’ebé maka ezisti sira nia intrevensaun primeiro maka kona ba seguransa budu tasi.
“Ami mos halo servisu barak iha komponente tasi nian ne’ebe liga ba iha MAP, depois de Covid-19 situasaun paradu hotu tanba ne’e maka ami komesa fali loke oportunidade foun atu mai hasoru malu fila fali ho MAP, hodi harmoniza fila fali nia koloborasaun ne’ebe maka iha. Ami nia servisu fokus liu ba iha monotorin peskas ba ikan sira ne’ebe maka ami halo iha area (5) hanesan Ataúro Maabat iha Munisipio Manatutu no iha Behau.” Tenik Oldegar
Husi atividade ne’e feto sira maka barak liu rekolla dadus kondu peskadór sira, hodi hatene ikan hira maka sira foti no sukat nia todan, iha informasaun kona ba nia mekanismu oinsa maka koelekta dadus ne’e. portanto atividade refere sira hala’o iha Munisípio rua hanesan Dili iha Ataúro no Beto Tasi Manatutu iha Ma’abat no behedan. (Tyfa)
VISITA IHA KANAL YOUTUBE (MAP-NEWS)
https://www.youtube.com/watch?v=dk0BHyfCxT8
