Ministeriu Agríkultura e Peskas (MAP) liu hosi Diresaun Geral Pekuaria no Veterinária Asina akordu Memoradum of Undertanding (MoU) ho Kompañia Tallu haat hanesan kompañia Zefra, Moris, Metinaru furak no kompañia Quantum.
ho objetivu atu bele halo jestaun oho karau iha matadoru atu bele fornese na’an ba ita nia Konsumidór sira iha merkadu.
Iha intervista vise Msinistru MAP, Abilio Xavier de Araujo esplika, kompañia haat ne’ebé mak partisipa asina akordu ho Diretór Jerál sira para atu bele halo servisu ba matadoru oinsa mak sira bele kontrolu no mós bele halo jestaun oho animal sira ne’ebé hanesan karau iha matadoru para bele fornese ba ita nia sidadaun sira iha merkadu.
“oinsa ita atu kontrolu liu hosi parseiru sira nian liu hosi servisu hamutuk entre MAP atraves hosi diresaun jerál Pekuaria e veterinaria ba peste ka karau moras, mundu ohin loron afeita moras animal oioin tanba tenki liu hosi meius ida ne’eona halo kontrolu ba animal sira ne’ebé mak oho iha matadoru baimhira distribui ba merkadu tenki animal sira ne’ebé mak saúdavel”, dehan Vise Ministru MAP Abilio Xavier, iha salaun MAP tersa feira, loron 23/08/22
Tuir vise, Kompañia sira ne’ebé oho karau iha matadoru hodi distribui ba merkadu sira mós hakiak karau ida ne’e parte positivu tebes.
Neduni Governu liu hosi MAP preve hela orsamentu U$ 50.00 Millioes ne’ebé investe hela iha Banku Kreditu Suavel ba ita nia komunidade sira para bele kreditu nune’e ba kompañia sira mós karik bele halo kreditu nune’e bele investe ba iha seitór pekuaria, alende sira buka oho karau iha matadoru maibé sira bele dezenvolve mós karau para bele subtitui fali ida ne’ebé oho ona.
“Karau ne’ebé moras Ministériu la autoriza tama ba matadoru, tanba MAP mós iha Departementu Kontrola Medikamentu dos Animais nia resposablidade para atu halo tratamentu ba animal sira moras hanesan karau, manu, bibi no animal seluk”, Tenik Abilio
Tanba ne’e nia parte orienta ona ba Diretór Jerál sira atu bele komunika ho Presidente Autoridade Munisípiu para bele halo jestaun no kontrolu ba sidadaun sira ne’ebé sei oho hela na’an fora hosi matadoru nune’e bele halo prenvensaun ba animal sira tanba Ita hakarak liu hosi matadoru nune’e bele kontrolu ba na’an hosi laboratorium ne’ebé Agora Timor-leste iha.
Entretantu Durasaun kontratu ne’e (MoU) tinan ida ba tinan lima, tanba ne’e mak Servisu hotu sei lao tuir kontratu ne’ebé iha ona Entre Diresaun Jerál Pekuaria e Vterinária no Kompañia sira bainhira iha nesesidade bele estende tan.
Iha fatin hanesan Diretór Kompañia Metinaru Furak , Vivensio dos Santo sente kontente tanba asina akordu ne’e sai hanesan parseiru ida entre MAP no Kompañia sira atu bele servisu tuir regulamentu ne’ebé iha.
“preokupasaun ami nian mak lalar ne’e, ami mós hato’o ona ba Ministeriu hodi taun atensaun atu bele hadia”.
Diretór haktuir liu tan, kada karau ne’ebé oho rekolla tasa ba Matadoru ne’e kada karau ida $ 7.00. (Fina)
VISITA IHA KANAL YOUTUBE (MAP-NEWS)
https://www.youtube.com/watch?v=fLzlhH9RsLY
