Dili-Ministério Agríkultura e Pescas (MAP) servisu hamutuk Ajensia To’os ba Moris Diak (TOMAK) hala’o enkontru ho Dirasaun Tekniku sira hodi halo revizaun Manual estensaun Agrikola. Enkontru ne’e ofisialmente loke hosi Diretór Jerál Cooperasaun Dezenvolvimentu e Institucionál (CDI) César José da Cruz iha loron Tersa (16/08/22) iha Salaun MAP Comoro.
Tuir Xefe Departamento Munisipiu Dili Guilherme da Silva Quintão esplika katak, enkontru ne’e hala’o ona iha Munisipiu ha’at hanesan, Baucau, Viqueque, Manufahi no Bobonaro, ohin loron (rad) Tersa a nivel Nasionál maka tur hamutuk hodi fo informasaun ba malu atu bele hetan ideia diak ruma husi Dirasaun Nasionál sira hodi bele kontrubi atu halo divizaun ba manual ne’e tuir sira nia aspirasaun duni. Manual Estensaun Agricola ne’e hanesan mata dalan ba autór sira liu liu estensonista sira hodi halo sira nia servisu karik hanesan padraun ou Funsionamentu ba servisu.
Nia hateten, Manual ne’e halo iha tinan (10) ba kotuk hahú iha tinan 2012, desizaun lao maka seidauk komplementa didiak. Ba limitasaun barak iha kontestu sira nia kapasidade rasik alende ne’e faselidade tulun sira nia servisu mos menus no jestaun halo komfujaun nune’e sira labele implementa servisu sira tuir saida maka hatuur iha dokomentu sira ne’e.
“Manual Estensaun Agrikola agora dadauk ita halo revizaun ne’e ajensia TOMAK maka finansia, iha dokumentu ne’e ita hakerek buat barak tebes komesa iha servisu implementasaun to iha nia relatoriu. Iha dokumento nia laran saida maka sira atu halo ne’e hakerek hotu iha laran ona, atu lao oinsa, maibe iha buat balun maka akontese administrativu ne’ebe se menus”, Tenik Guilherme
Neduni agora ita halo revizaun atu hatama tan ideia diak ruma, ita hare hela prosecu desentralizasaun. iha desentralizasaun ne’e iha buat ruma maka komplikadu hela liu liu iha finansiamentu. Iha munisipiu finansamentu minimu tebes entaun oinsa maka Nasionál kontrubui netik buat ruma atu servisu estensaun ne’e bele lao diak. Tenik Guilherme
Iha fatin hanesan Project Manejer Ajensia TOMAK Modestu Lopes hatutan katak, Manual extensaun Agríkola ne’e hanesan dokomentu ne’ebe maka MAP nian no dokomentu ne’e produs iha tinan (11) liu ba kotuk, iha diskusaun balun ne’ebe programa TOMAK halo ho MAP liu-liu Dirasaun Nasionál Extensaun Agrikola (DNEA) iha ne’eba sira esplika katak ita presiza duni atu halo revizaun ba dokomentu ne’e nune’e bele refleta kondisaun riil ou saida maka estensonista sira halo iha terenu.
“Tanba ne’e maka apoiu sira husi programa TOMAK atu apoiu parte logistiku nian, wainhira hala’o enkontru ruma sira consultasaun husi Munisipiu ita maka sai fornese sira e finansa. iha osanmentu total ne’ebe maka ita fornese la ejekuta ita termina maibe ita apoiu sira konsultasaun ita fo perdiam ita fo osan atu suporta parte hanesan snack ruma ou hahan ruma.” Katak Modesto
Nia informa Manual Estensaun Agríkola ne’e diak tebes tanba estensonista sira hare fila fali sira nia papel no kordenasaun ho nivel Munisipiu Postu Administrativu Suku mai to anivel Nasionál sira senti katak ne’e presiza duni atu halo revizaun liliu iha parte jestaun balun ne’ebe sira senti katak la sufisiente wain hira ita halo barak liu.(Tyfa)
VISITA IHA KANAL YOUTUBE (MAP-NEWS)
https://www.youtube.com/watch?v=DmuAXU6uO3o
