Manufahi-Ministériu Agríkultura e Peskas liu hosi Diresaun Nasionál Extensaun Agríkola Kontinua hala’o enkontru annual ho koordenadór Estensionista hamutuk ema nain 34 hodi halo avaliasaun no evaluasaun servisu durante tinan ida. Enkontru ne’e hala’o iha loron kinta-feira(11/8/22) iha salaun enkontru Diresaun servisu Agrikultura Same Villa.
Diretór Jerál Cooperasaun Dezenvolvimentu Institusionál, César José da Cruz iha nia entrevista hateten, objetivu enkontru ho koordenadór estensionista sira ne’e kona-ba avaliasaun no evaluasaun servisu Estensionista sira durante ne’e tinan hira nia naran laran tanba durante ne’e mosu Surtu Covid -19 maske servisu lao maibe presija hadia buat barak hanesan komunikasaun ho hasa’e kualidade produsaun ai-han ne’ebe mak iha.
Politíka MAP maka atu hasa’e kualidade Haré no Batar ne’ebe mak ita diversifika fali ba ai-han sira seluk tanba ne’e mak ohin ita halo evaluasaun, iha Manufahi nomos munisípiu sira seluk hodi kontinua mantein servisu Estensaun sira nian oinsa maka bele hasa’e produtividade kada étare maíbe depende ba bee ou irrigasaun
Nia mós orgullu ba servisu estensionista hotu-hotu iha Timor laran tomak maske sira laiha transporte hanesan Motor maibe ho sira nia talentu ne’ebe mak iha nu’udar estensionista sira hala’o nafatin kna’ar hodi fó apoiu ba ita nia agrikultór sira atu hasa’e produsaun rai laran.
Ha’u propoin nafatin kona-ba Orsamentu Operasionál ba estensinosita maske estensionista ida ho seluk orsamentu operasional la hanesan depende ba sira nia kargu maibe ita mós tenki haree rendiementu produsaun agríkola kada munisípiu atu nune’e bele hasa’é sira nia orsamentu, ha’u mos nafatin husu ba administradór sira atu taun atensaun maka’as ba servisu estensionista sira nian iha terenu tanba servisu estensionista iha kampu
hodi fó apoiu ba agrikultór oinsa mak atu hasa’e produtu hare no batar.Tenik Nia
Iha fatin hanesan, Diretór Servisu Agrikultura Munisípiu Manufahi Aurelio Marques esplika katak, Munisipiu agradese Diresaun Nasionál Estensaun Agrikola tanba bele konvoka enkontru ida ne’e hodi bele avalia servisu estensaun nian tanba durante tinan hirak ba kotuk enkontru hanesan ne’e mai la hala’o ida.
Ohin ne’e ne’e hanesan halo avalasiaun no evalauasaun servisu estensaun nian ne’ebe mak lao iha munisípiu tanba servisu estensaun ne’e direitamente hala’o servisu iha aldea no suku hamutuk ho ita nia agrikultór sira e sira mak sai liman oin guvernu nian aho apoiu informasaun ba ita hotu hodi halo planu dezenvolviemntu agrikultura ne’e ba oin.
Estensionista sira presija treinamentu no kapasitasaun edukativu ida hodi transaforma mentalkidade agrikultór sira nia iha baze. Neduni presokupasaun ne’ebé mak estensionista hasoru mak liu-liu transporte tanba dadaun ne’e sira laiha motorizada maibe sira hala’o nafatin servisu iha terenu neduni nasionál ho Munisípiu hamutuk hodi hare kona-ba rezolve kestaun transporte ba estensionista sira hasoru.
Nia mos hatutan, katak tinan ida ne’e Diresaun servisu Agrikultura munisípiu preve orsamentu oituan atu reativa ka hamoris fila fali sentru estensaun sira iha Betanu, Alas no Fatuberliu hodi bele hala’o fali demplot ba komuditi sira tanba sentru estensaun ne’e hanesan baze dedadus hodi hatutan no transforma agrikultura ba ita nia inan – aman sira.
Iha enkontru ne’e mós entrega sertifikadu kona-ba Skill Komunikasaun no fasilitasaun ba koordenadór Estensionista sira iha Manufahi.(E"S)
VISITA IHA KANAL YOUTUBE (MAP-NEWS)
https://www.youtube.com/watch?v=YRBnuluWzaw
