Notisia

DNFTA Atribui Sertifikadu Ba Formadu 123 Hodi Tuir Formasaun Agrikultura  iha AICAT Israel

Avaliação do Usuário

Estrela ativaEstrela ativaEstrela ativaEstrela ativaEstrela inativa
 

 Fotografia/Canisio/Informasaun-MAP

Dili-Ministériu Agrikultura no Peskas (MAP) liu hosi Diresaun Nasional Formasaun Tékniku Agrikola (DNFTA) hamutuk ho Learning Education Program of Timor-Leste (LEP-TL) atribui Sertifikadu Lian inglés ba kandidatura hamutuk 123 ne’ebé sei partisipa formasaun agrikultura iha Arava International For Agricultura Training (AICAT) Israel.

‘‘Ohin ita fahe sertifikadu inglés ba kandidatu 123 sira neebé maka selesionadu atu ba tuir formasaun agrikultura iha AICAT Israel”, Esplika Diretór Jeral Kooperasaun Desenvolvimentu Institusionál César José da Cruz hafoin remata fahe sertifikadu  mídia MAP iha loron segunda-feira (01/08) iha  salaun MAP Comoro.

Neduni Timor-oan ne’ebé maka selesionadu atu ba Israel presija hatene lian inglés no kandidatu sira ne’e livre hosi moras oin-oin.

César haktuir, ita fahe sertifikadu ba sira ne’ebé mak tuir ona kursu durante fulan rua ho balun, kursu ne’e rasik fasilita hosi Learning Education Program of Timor-Leste (LEP-TL)  sira mak fo formassaun durante semana rua.

Fotografia/Canisio/Informasaun-MAP

‘‘Formadu ema hamutuk nain 123 sira nain hira ne’e desloka dala ida ba iha nasaun Israel, no sei halo formasaun ho tekniku neebé avansadu iha area agrikultura no ortikultura nian,  Formadu sira ne’e ba tan hamutuk ba dala nen (6) ona ita to’o ona 300 pessoas no sira balu fila mai neé rezultadu pozitivu sira barak hetan ona servisu no balu kria rasik servisu, balu servisu iha agensia no balu servisu ho grupo.’’ Tenik César

Nune’e kandidatura estudante AICAT Agostinho Camnahas Soares Sabu sente kontente tebes, tanba hetan oportunidade. Agradese tanba primeira vez atu tuir formassaun iha nasaun Israel tanba iha ema nia rai koalia kona-ba agrikultura no ortikultura modernu no avansadu tebes, nune’e bele aprernde servisu ho diak fila fali mai hodi dezenvolve ita nia rai Timor-Leste.

Formadu hamutuk 123 sei tuir Formasaun iha AICAT Israel kompostu Mane 78 no feto 45 mai husi alumi eskola teknika agríkolas Natarbora, Fuiluro, Moleana, UNTL IPB, ITC Ermera, Unital no Unpaz. (Rozer Ximenes Lopes)

VISITA IHA  KANAL YOUTUBE (MAP-NEWS)

https://www.youtube.com/watch?v=mB4SuBdXP7Y

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login