Dili- Menistério Agríkultura e Pescas (MAP) liu husi Diresaun Jeral Agríkultura e Hortikultura Promove ona Funsionario hamutuk ruanulu (20) komposto husi Mane sanulu resin ida (11) no feto sia (9) tuir ona Treinamentu online ho Tutór sira husi nasaun Corea do Súl konaba lalaok agrikultura Corea nian ne’ebe maka bele konserva no bele fo valor ba agroturizmu. Treinamentu ne’e hahu iha dia 25 to’o 29-07-22 iha Saalun Golgota Comoro.
Tuir Sub Inspetór GIAMA Fernando Soares esplika katak, formasaun ida ne’e fasilita husi Koica Timor leste, ne’ebe maka ho nia titulu konaba hasa’e ita nia funcionario sira nia konhesemento no kohese valores agrikultura ninian iha Timor no oinsa bele konserva atu bele fo benefisio diak ba iha agrikultura Timor Leste.
Nia hatutan, liu husi treinamentu ida ne’e husi Koica aprezenta mos materia hirak ne’ebe maka fo konhesementu konaba lalaok agrikultura Corea nian ne’ebe maka bele konserva no bele fo valor ba agroturizmu. Espera katak liu husi formasaun ida ne’e ita nia partisipante sira bele iha konhesementu atu bele dezenvolve setór agrikultura iha Timor Leste.
Iha fatin hanesan Deputy Koica Sookjin Byun hateten iha nia diskursu katak, nia ho laran konteti tebes, tanba bele participa iha ceremonia enceramento Programa fellowship ou amizade nebe mak hanaran CIAT. lori Governo Korea nia naran hakarak hato’o nia parabéns ba maluk participantes sira hotu nebe mak kompleta ona materia iha Programa ida ne’e.
“Maske ita tuir materia ne’e ho distancia nebe mak dook. hau espera que ida ne’e sei la blokeia ita boot sira nia hakarak atu aprende no aumenta conecimento iha ita boot sira nia area. hin loron hanesan ita hotu hatene katak “sistemas importantes de patrimonio Agricola Mundial” atu promove compreensao publika ba agricultura sira ida nebe sustentavel no salvaguarda servico socias, culturais, economicos no ambiente, ida ne mos importante iha Timor Leste.” Tenik Deputy Koica
Nia akresenta objetivo husi treinamentu ida ne’e atu hasae partisipante sira nia conesemento iha Sistema importantes de patrimonio agricola Mundial” programa ne permiti participantes sira hotu atu prepara plano de aksaun ida nebe diak iha futuru bele aplika iha timor leste. Espera que programa ida ne’e mos bele ajuda ita boot sira nia vizaun ida nebe diak liu, no oinsa mos atu governo Timor bele halo politka ida atu hari insituisaun patrimonio agricultura sustentavel.
Nune’e partisipante Dorilanda da Costa Lopes sente kontente tebes tanba bele hetan ona treinamentu ida kapas tebes husi Governu Koica nian atu hatene liu-liu konaba ba oinsa atu hatene uza sistema tradisional. Material ne’ebe sira aprende maka oinsa atu asegura ita nia sistema tradisional ne’ebe ita nia avo no vizabon sira uza atu labele halakon ita nia kultura hirak ne’e. (Tyfa)
VISITA IHA KANAL YOUTUBE (MAP-NEWS)
https://www.youtube.com/watch?v=kdxF-3u8dxM
