Baucau-Ministério Agríkultura e Peskas kontinua habarak Fini hanesan Haré Nakroma, Fore rai Batar no mós Fehuk Midar iha Sentru Fini Triloka Munisipiu Baucau. Asuntu ne’e hato’o hosi Ofisial Fini Munisípiu Baucau Basilio da Silva Pires iha Sentru Fini Triloka Baucau Villa.
Ofisial Fini Munisípiu Baucau Basilio da Silva Pires ba ekipa Informasaun MAP hatete, sentru prosementu Baucau Suku Triloka ne’e iha Fini haré ba klas fundasaun prepara toneladas 1, fore rai klas Fundasaun prepara toneladas ida.
Tanba ne’e iha sentru ne’e mós prepara haré nakroma klas sertifikadu tinan ida ne’e prepara ba toneladas haat. Iha Fore rai variedade utamuak prepara ba toneladas haat maibe fore rai agora dadauk sei halo hela koleksaun. Dehan Ofisial Fini Munisípiu Baucau Basilio da Silva Pires iha nia kna’ar fatin Suku Triloka iha loron Segunda-feira (19/07/22).
Basilio hatutan, dadaun ne’e to’os nain iha grupu sira ne’ebe maka produs foin maka hatama iha armajen, depois sei kontinua ba rekolla tan iha ita nia grupu sira ne’ebe maka kuda iha terenu atu bele mai hatama iha armajen.
Neduni objetivu hosi haré fini hirak ne’e liu hosi Diresaun nasional ita sei distribui ba ita nia grupu produtór fini comersial ba Asosiasaun sira ne’ebe maka rejistu ona iha Anaprofiku nia okos.
“Ita distribui ba sira bainhira udan monu rai, distribui ba grupu produtór fini liu hosi Anaprofiku ne’ebe maka agora dadauk eziste ona iha Timor Laran atu sira bele kuda depois liu hosi ita nia kompañia sira sosa iha asosiasaun Anaprofiku ita bele fahe ba ita nia grupu. Prosesu oinsa asesu ba iha fini hirak ne’e, primeiru liu husi grupu agrikultór fini liu hosi anaprofiku sira halo rejistu kada sira nia rejistu haree ba batar,haré no fore rai fahe tuir hectare hira ne’ebe maka iha.” Basilio Akresenta
Iha Fatin hanesan Diretór servisu Agríkultura Munisipio Baucau Moises Lobato Pereira hatutan , sira kontinua halo melloramentu ba Peskiza haré, peskiza Batar peskiza fehuk midar no fore rai ida ne’e maka agora dadauk lao hela.
Diretor hatuir, melloramentu ba peskiza kona-ba adaptasaun liuliu haré rai maran por volta de 30 toneladas hanesan ne’e, sira kontinua dezenvolve ida ne’e to’o ohin loron iha Sentru Peskiza Darasula.
Tanba ne’e Sira nia atividade ne’e lao kada tinan depois kuandu ita haree avaliasaun ba rezultadu peskiza depois atraves hosi avaliasaun entaun sira hare ida ne’ebe maka mais ou menus ninia produsaun hare ba produtividade ne’e oinsa kontinua estabil ou aumenta.
Diretor hatuir liu tan, sira mos tenki hare ba teste kualidade de sabor, tanba wainhira atu halo lansamentu ne’e presiza dadus komplementar lobuk ida atu oinsa variedade ida bele lansa ne’ebe liuliu avaliasaun hotu kuandu avaliasaun peskiza dadus sira konaba produsaun ninian.
tanba ne’e kolekta hotu ikus liu maka sira tenki haree fila fali ba avaliasaun ba teste sabor nian iha ne’e maka ita foin bele hare rezultadu aihoris ne’ebe maka ita produs ne’e nia kualidade kuantidade kuandu ita hare diak ona it abele lansa atu nune’e ita nia Diresaun Estensaun sei dezamina fila fali mai iha munisipio atu oinsa aihoris hirak ne’ebe maka lansa ne’e it abele kuda iha to’os nain sira.
Dadaun ne’e Sentru fini sira ne’ebé desenvolve hela fini tuir variadade idaidak hanesan, Sentru Fini Korluli Bobonaro, Sentru Fini Ululefa Maubisse munisípiu Ainaro no Sentru Fini Triloka Baucau.Tyfa
