MAP Apoiu Subsidiu Kombustivél Ba Benefisiarios 79 iha Atabae

Estrela inativaEstrela inativaEstrela inativaEstrela inativaEstrela inativa
 

Fotografia/Eby Magno/INFO-MAP

Bobonaro-Ministériu Agríkultura e Pescas (MAP) Liu Hosi Diresaun Geral Agrikultura No Diresaun Nasionál Agrikultura e Hortikultura apoiu Subsidiu Kombustivél Ba Benefisiarios 79 ne’ebé mak iha Makina agrikola ba faze dahuluk nian iha Postu Administrativu Atabae  ne’ebé sei implementa mós iha Munisípiu Ainaro, Baucau, Covalima Liquiça no Manufahi ho Objetivu Ajuda Agrikultór Sira Hasa’e Produsaun haré.

Iha Serimonia lansamentu Subsidiu Kombustivél Ne’e, Diretór Diresaun Nasionál  Agrikultura e Hortikultura, Lucio Romeo Ribeiro Esplika, MAP apoiu kombuntivél ba benefiarius agrikultóres iha teritóriu tomak hahu hosi Bobonaro.Tuir lista ne’ebé iha benefisiarios ne’ebé mak sei asesu ba iha kombustivél ne’ebé mak Governo atribui, nune’e Munisípiu Bobonaro Postu Atabae sai hanesan fatin ba ita lansa programa ida ne’e.

“Governu hakmaan sira no ita hatene katak presu Mina iha Merkadu folin as entaun Governu fó apoiu sira hodi hakmaan sira nia servisu atu nune’e sira bele hala’o operasaun iha terenu”, dehan Diretór Lucio iha serimonia Lansamentu subsidiu kombustivél ba benefisiarios sira iha Postu Administrativu Atabae, iha loron Sesta Feira, 15/07/2022.  

Tanba ne’e Mekanizmu utilizasaun kombustivél ne’e ita apoiu ho nia objetivu atu hasa’e produsaun agrikóla,  nune’e ba benefisiuario sira ne’ebé mak iha makina agríkola hanesan, Hand Tratór, Makina dulas haré no Makina baku haré.

 “Kada benefisiarios sei hetan Mina 300 Ltr kada ema ida, maibé temporariu Munisípiu Bobonaro nian ita atribui uluk primeira faze iha  atus ida 100 Ltr ba sira, nia durasaun ba utiliza voucher to 31 de Jullu tinan ne’e 2022. Minisípiu neen (6) ne’e sei aselera molok tama ba dia 31 Jullu finaliza ona hodi halo pagamentu ba kombustivél ne’e rasik.”,haktuir Lucio

Fotografia/Eby Magno/INFO-MAP

Diretór ne’e mós Rekomenda ba benefisiarios agrikultór ne’ebé mak utiliza kombustivél gratuita ne’e tenki utiliza  ho didi’ak.

Iha biban hanesan, Reprezentante Postu Administrativu Atabae Sidonio Fontes esplika, Kombustivél 300 Ltr ne’e kuantidade ne'ebe boot, maibé ne’e laos ba grupu benefosiarios 79 de’it maibé kombustivél ne’e ba agrikultóres sira hotu ne’ebé servisu hamutuk iha area refere.

“Tekniku sira sei lao tuir ita boot sira oinsa mekanismu halo jestaun ba kombustivél  ne’e ho di’ak atu bele hasa’e ita nia produsaun di’ak liu tan nune’e hamenus importasaun ne’ebé mak agora iha”, tenik Sidonio

nune’e benefisiariu Angelino Nunes lori benefisiarius 79 hamutuk ho toos nain sira hotu agradese tebes ba governu liu hosi MAP ho subsidiu kombunstivél ne’e, tanba ho problema mundial kombunstivel sa’e ne’e afeita liliu ba toos nain sira tanba ne’e ho governu nia tulun ida ne’e bele ajuda tebes ema hotu iha suku  ne’e nia moris hanesan agrikultór.

Ami labele lao mesak hamutuk ho estensionista iha suku no aldeia sira akompaña ami atu nune’e halo jestaun ba Kombustivél ne’ebé iha tuir nesesidade tratór nian atu bele hasa’e produsaun no hadia rendimentu uma laran nian,” dehan Angelino

Iha serimonia lansamentu apoiu subsidiu “Voucher” kombustivél ba benefisiarios ne’e atribui Direita hosi Diretór Diresaun Nasionál Agrikultura e Hortikultura, Lucio Romeo Ribeiro ho Komitiva no akompaña hosi Diretór Kompaniã Abom Kase Fuel, Jose Pires. Fina

VISITA IHA  KANAL YOUTUBE (MAP-NEWS)

https://www.youtube.com/watch?v=-T_7KCjEIqg

 

.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login