Notisia

Kualidade Kafé Di’ak Hasa’e Produtividade Rai Laran

Estrela inativaEstrela inativaEstrela inativaEstrela inativaEstrela inativa
 

 Fotografia/Eby Magno/Informasaun-MAP

Ermera-Ministru MAP Pedro dos Reis Partisipa Kampaña Nasionál ba Rehabilitasaun Kafé Timor ne’ebé Lansa Direita hosi Prezidente da Repúblika, José Ramos Horta hamutuk ho Primeiru Ministru Taur Matan Ruak Akompaña hosi Prezidente Parlamentu Nasionál Aniceto Longuinhos Guterres Lopes, no Korpu Diplomatiku sira iha Suku Tokoluli Postu Administrtivu Railaco iha loron sabadu, 09/07/22.

Iha Kampanã Nasionál ba Rehabilitasaun kafé Timor ne’e, Prezidente da Repúblika José Ramos Horta hatete, ita hotu hamutuk  hadia ita nia kualiadade  kafé ne’e hanesan produtu ida ne’ebé laos úniko maibé produtu ida kultural produtu istoriku ita buka atu hadia, tanba tuir dadus estatistika tempu Português produtividade tun tanba hadau malu propriedade no folin kafé mós tun. Kuandu folin kafé tun laos tanba Kompañia sira ne’ebé sosa kafé iha Dili hasa’e maibé folin kafé ne’e depende ba merkadu mundial.

“Governu mak sei haree ho inisiativa oinsa bele kria mekanismu ruma para proteze no hadia kualidade kafé iha rai laran ho ita nia responsablidade rasik, nu’udar Prezidente ne’ebé hanesan sidadaun babain ida buka servisu hamutuk ho Governu liu hosi MAP, Parlamentu Nasional no komunidade Internasional atu bele haree priorodade saida mak importante, liliu kafé, atu kafé labele lakon tanba halo parte ona ba ekonomia,” dehan Prezinte RDTL

Iha biban hanesan, Ministru MAP, Pedro dos Reis esplika, Inisiativa ne’e hosi S.E. Prezidente Repúblika ho MAP atu halo Rehabilitasaun ba kafé tuan sira nune’e bele hasa’e nia produsaun no hadia kualidade kafé ba futuru.

Tanba ita hatene katak, kafé sira ne’ebé mak koilleta dadauk ne’e desde beiala sira mak kuda, kafé sira ne’e tuan hotu ona nia produsaun mós ladun barak ona tanba ne’e kafé tuan sira hotu ita halo rehabilitasaun.

MAP liu hosi Diresaun Café e Plantas tinan-tinan tau OJE para halo rehabilitasaun, tanba  ita nia kafé ita tenki halo exportasaun ba rai liur no depende ba presu mundial. maibé lalakon vontade ida ne’e ita nafatin hadia kafé iha rai laran hadia nia kualidade kafé no organiku atu nune’e ita bele kompete iha rai liur tanba kafé lori ona Timor-Leste morin ona iha mundu.

Fotografia/Eby Magno/Informasaun-MAP

“Ministériu Prontu kolabora ho komunidade sira hodi haree  no hadia kualidade kafé iha Timor-Léste. Kuantidade kafé menus liu tanba kafé tuan hotu ona, tanba ne’e mak Governu liu hosi MAP, Direcção café e Plantas  industriais sempre prepara kafé oan ou viveiros no prontu apoiu tekniku ba produtór kafé,” dehan Ministru MAP iha Kampña Rehabilitasaun Kafé Timor iha Suku Tokoluli

Neduni ho apoiu S.E. Prezidente Repúblika ne’ebé kria tan Divisaun kafé plantas ninian ne’e parte positivu tebes. Kafé ne’ebé mak Durante MAP dezenvolve ne’e konsentra liu ba kafé Hibridu de Timor tanba ida ne’e identidade e mantein nia organiku.

“Kafe hanesan identidade Timor-Leste nian, Governu prontu fo asistensia nafatin ba futuru, nain mak agrikultór sira, ita hamutuk  para hasa’e produsaun iha rai laran no mantein nia identidade no  labele lakon,” salienta Ministru MAP Pedro

Nune’e iha sorin seluk Xefe Suku Tokoluli Leonol de Jesus Barros, lori komunidade suku sia (9) apoiu Prezidente da Repúblika, MAP, liu hosi Diresaun Nasional Café Plantas Industriais  nian kona-bá  Kampaña Rehabilitasaun Kafé Timor nu’udar inisitiva nasionál atu hafanun vontade no motiva fali produtór kafé sira oinsa konserva no hasa’e kualidade no produtividade.

tanba durante ne’e produsaun tun no folin kafé iha merkadu ladun di’ak hodi afeita ba produtór kafe sira nia ekonomia familiar.

 “MAP liu hosi Diresaun café e Plantas industriais, Prezidente Repúblika ba rezasaun kafé no Parseiru dezenvolvimentu hotu atu kontinua fo formasaun ba kapasitasaun ba tradutór kafé sira oinsa importansia hosi tesi kafé tuan no nia sustentabilidade”Tenik Administradór ne’e.

Iha Serimonia ne’e entrega mós Poster Rehabilitasaun Kafé ba Toós Nain sira. (Fina)

 

 

 

 

 

 

 

 

 

 

 

 

 

                                                                                             

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login