MAP-KOICA HALO REUNIAUN HODI HAREE KONABA PROJETU CADEIA DE VALÓR

Estrela inativaEstrela inativaEstrela inativaEstrela inativaEstrela inativa
 

 Fotografia/Canisio/Informasaun-MAP

Dili- Ministériu Agríkultura e Peskas (MAP) servisu hamutuk ho Governu korea do Sul liu husi Ajensia KOICA halo reuniaun ho Diretór Servisu Agríkultura Munisípiu nomos Administradór Husi Munisípiu tolu (3) hanesan Likisa, Aileu no Ainaro hodi hare ba Projeitu melloramentu de cadeia valor Agrícola ba partisipasaun Agrikultór sira iha Timor-Leste. Atividade ne’e hala’o iha loron Quinta (07/07/22) iha salaun MAP Comoro.

Iha entrevista Diretóra Jerál Agríkultura e Horticultura Maria Odete do Céu esplika katak, atividade ne’e hanesan segundu reiuniaun ba project streening committee  ninian ba iha projetu melhoramentu cadeia de valor ho partisipasaun agrikultór sira nian. Objetivu liu hosi reiuniaun ida ne’e atu halo avaliasaun ba iha atividade sira ne’ebe mak hala’o ona iha Munisipio tolu (3) ne’e.

“Ita hatene katak, projetu ida ne’e ho nia titlu maka melhoramentu cadeia de valor ho partisipasaun agrikultór sira iha Timor-Leste nian, atu hadia cadeia de valor ba produsaun ne’ebe mak iha. Projetu ida ne’e foka liu ba iha hortikulas ne’ebe mak hala’o iha Munisipiu tolu hanesan Aileu, Ainaro no Liquica ho nia objetivo atu hasae produsaun no orienta agrikultór sira ba iha merkadu.” Hateten DG Odete

Fotografia/Canisio/Informasaun-MAP

Nia akresenta, Projeto ne’e sei estabelese mos sentru estasaun hodi halo koleksaun ba produtus Hortikulas ne’ebe sira sei tau ba iha friger bo’ot sira hodi konserva modo sira ne’ebe mak ita nia parseiro ou agrikultór sira kuda. Projetu ida ne’e laos bolu agrikultór sira benefisiariu maibe sai hanesan parseiro atu ita mos sente katak, envolve direitamente no ita mos kria kondisaun independente, no iha ona diferensa kontribuisaun husi ita nia parseiro ho ita nia agrikultór sira ba iha projeitu ida ne’e. Projeitu ida ne’e foin mak lao, maibe identifika ona iha tinan 2019 depois tanba Covid-19 ita foin realiza no lansamentu ne’e iha fulan Março tinan 2022.

Iha fatin hanesan, Projeto Manajer Jang Saeng Kim informa katak, objetivu husi projeto ida ne’e atu hasae rendimentu ba to’os nain sira iha Munisipiu tolu mak hanesan Aileu, Ainaro no Liquica. Iha projeitu ne’e mos sira konsidera to’os nain sira laos hanesan banefisiariu maibe hanesan parseiro.

Nia informa husi parte governu rua korea  do Sul no Timor-Leste sira mak deside ba iha Munisipiu tolu ne’e se karik projeitu ne’e susesu sei sai mos ezemplu ba Munisipiu seluk, ba  programa ida total  orsamentu husi parte Korea ho Timor-Leste husi parte rekursu humano nian hamutuk orsamentu 6.5 milhões dollares Americano. (Eby Magno)

 VISITA IHA  KANAL YOUTUBE (MAP-NEWS)

https://www.youtube.com/watch?v=wXR7QylFE_c

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login